أبشكي على نفسي
أباكتب دموعي حروف وابـكي على دنـيــاي = وابـشـكي على نفسي على ماجـرى لـيّـه
عـجـيـبـة بـقايـا النـفــس تـبـكي عـلى بـلـواي = وتصرخ ترى غصبٍ عن الدرب ملويّه أنا شاعر(ن) عاش الـمشاعر بـصوت الـناي = يــشـوف الصبـايا كـلهن زول حــوريّـه ليا شفت زول(ن) صرت هايم واحث خطاي = غـدت حــالتي يانـاس بالحـيــل مزريّـه أقــول الغـزل والـوجـد من عــلّة(ن) بحشاي = لهـيـب(ن) تـوقّد منّــه النـفــس مـبـلـيّــه عصيت الولي والمعصيه هي سبب شـقـواي = وحـالي بــراها الوجـد بالحـيـل مـبـريّــه قنيبي يـجاوب تــالي اللـيــل صـوت عــواي = هــمـومي دعت كبدي على النار مشويّه ومـالي ســوى ربي يــحقــق أمـل رجــواي = أبـي تـوبــة(ن) لله وابـاخـلص بـها النيّه |
رد: أبشكي على نفسي
تسلم ولاهنت
ع القصيد الراائعه تحيااتي لك وتقديري |
رد: أبشكي على نفسي
الله يسلمك ويخليك ومرورك أروع
|
رد: أبشكي على نفسي
ومـالي ســوى ربي يــحقــق أمـل رجــواي = أبـي تـوبــة(ن) لله وابـاخـلص بـها النيّه
بالحيل رااااااائعة لاهنت أخي القدير / عبداللطيف الفضلي قصيدة جزله تبارك الله تقديري وحترامي. |
رد: أبشكي على نفسي
أسعدني مرورك العذب
صح بدنك وكلك تبقين شامخة في ردودك لكي مني كل الشكر والتقدير |
رد: أبشكي على نفسي
صح لسانك
تبي تشوف الذل في صورتة صح شوف دمعة قهر في عين شايب |
رد: أبشكي على نفسي
صح بدنك
|
الوقت في المنتدى حسب توقيت جرينتش +3 الساعة الآن 09:05 AM . |
مجالس العجمان الرسمي