تــشـــاويــــش
السلام عليكم ورحمة الله أتمنى تحوز رضاكم
وافكري اللي غادين به تشاويش = من كثر هوجاسه صخاين تحوشه ماعاد ميّز بين فرحه يحاتيش = يا خيرة الدّنيا كدر هي تنوشه هو ضاربٍ عرض الحوايط مباديش = يوم الهلايم بالمعايا بلوشه كان الحكي ينفع حكينا بلاويش = أوّ المعايا نافعٍ لش بروشه وكتب على باب الصّبر يا محاكيش = ما دامت الدّنيا ولو هي غشوشه باللي خلقنا أستعذنا دعاويش = عن فتنةٍ في نابها أمخشوشه والصّدق منجي لو كثر من يخاشيش = من هو دنع لش طامعٍ في قروشه والحقّ بيّن لو تدللي علابيش = لا بدّ ما يضوي علينا طروشه ما يستوي بومن وفرخ القراميش = واللاش لوهو دوب نابه يعوشه راس الظّبي قد قيل مابه عراميش = والبوم ما قد قيل فعله يشوشه حنّا رقينا والخطر في حراويش = من هرجت العاذل ولو هي نهوشه ندعس على أهل القلوب المخاريش = اللي على درب العلا أمهشوشه أبها خذينا اليوم حظّ المداغيش = من في هوايل حتفها هي بشوشه وبحمد ربّي نقّضت بالعكاريش = تلفح طرب وان كان هي لي دقوشه أبها قطفنا نادرات الطّواويش = من في غياهب بحرها أمحشوشه هي درّةٍ ما قلّبوها دراويش = مصيونةٍ عن كلّ عوجن قشوشه أو ليتها نفسي ولو هم معاطيش = بالصّبر أرفى عن غثاهم وكوشه متحمّلٍ فيها ودامي أجاريش = بحساسي الصادق ولا به غبوشه والصاحب اللي فوق كفّه نقاريش = كبدي عليهم ناجحاتٍ رَقوشه بانت وسومه في بدقّ الشّواكيش = يكسر عزم نفسٍ هماها جهوشه له تزعج الدّمعات بحرٍ مناطيش = يسقى ضمى من روحهم له نغوشه من زينها تفري كبود المعاطيش = هي ماخذت عقلي دَقاقٍ نشوشه فيها دلع ملحه غنج من يشاديش = يا فتنةَ الدّنيا بلانا رَموشه فيها سهم فيها حلم من يواليش = يسعد ويفرح لا نزل له بحوشه والعاذل اللي بالكذب هو يناجيش = عين الحسد من صوبهم لي نقوشه أرفق بمن صدقه وفاء لش يباريش = يوم الكذب هو حاملٍ لش نعوشه والعيّ لوها زيّنتهَ الدّشاديش = وقت الصّمايل كلّ بزرن يهوشه والهرج لابه جمركه أو تفاتيش = حتّى الثّعاله حاربت في جيوشه ما يكتب التّاريخ أبلا هواميش = في صفحة الأمجاد تلقى نقوشه وان حرّفوها بعضهم بالخرابيش = في صدر أهل المعرفه أمخشوشه هو ينطبق قولي عليهم خفافيش = أو حاطبة ليلٍ سرت أمخروشه أن كانها نقصٍ عساها مراشيش = تمطر على راس الخبل أوتدوشه حتّى يجنّب عن طريق القواشيش = اللي دبل كبدٍ وجاته تلوشه خالد براك العجمي 24/6/2013 |
الوقت في المنتدى حسب توقيت جرينتش +3 الساعة الآن 06:06 AM . |
مجالس العجمان الرسمي