مجالس العجمان الرسمي - وبوادي العجمان بيت (ن) لنا دور

لى صاحب(ن)من سبه المال مغرور!! ....يقول أحبك والكبر وسط عينــه

يقول أنا عندى ملايين و قصـــــــور!! ...وبيت ٍ بلندن تونّا ساكنيـــــنه

وداير مدار البيت أشجـار وزهـــــــور ..وله موقع(ن)صاير بوسط المدينه

و"الهايدبارك" اقريب ونمرّه حدور ...وعندى" بليفربول أكبر سفينه!!

و"بالكويت" شاليــــه ٍ على شاطي الزور .....خميس جمعه كلنا زايريـــــنه

واذكر بعد حتى قبل خمســـــــة شهور ...أبوى عنده بيت!! ..ومثمنينــــــــــه

تراه تاجر!!!عند هالناس مشـــــــهور ..متعامل(ن)ويا البنوك الأميـــــــــــنه

تدرى "حمد"!!من غير لا لف وادور ...تبقى حياتك من بدونى !!حزيـــــنه

يكفى أحس انك معاى انت مســـــرور ...لو بنت غيرى!!كان شفت الغبـــينه

معذور!! لو حبيتنى حيــــــــــل معذور ...أدرى معاى انك لقيت السِكيـــــــنه

الزين فى العالم ترى بس محـــــصور ..فيني ولاغيرى على الأرض... زينه......

وخذتنى الحسره وصديت مقهور...وفكرت فى فكر.ة..صراحه؟" لعينه"!!

قلت .. اسمعينى واخذي العلم و الشور .. واللى بقوله لازم ٍ تفهمينه!!

أنا بعد تاجر مضالى ترى دور ...وقت ٍ مضى ماظنتى تذكرينه

تجارتى مابين بمباى ولاهور ..ومن الدراهم مالي(ن)لى خزينه

وبوادى العجمان"بيت(ن)لنا دور ..بيت(ن) قديم وتوّنا صابغينه

لا جا الربيع..وثم غدا القفر ممطور ...وفلاّ الحلال بموقع(ن) خابرينه

خيمت ماحولى شبوك(ن) ولاسور ...واطلقت رجل(ن)من زمان(ن)سجينه

وشبيت ضوّي لابدت طلعة النور ..ودقيت نجر(ن)ننطرب من دنينه

واللىّ قصير(ن)لى يسّير وبيزور ..يستاهل الفنجال الأشقر يدينه

يلقى دلال(ن) صفر والبن معمور ..ويلقى السمر حنا بعد حنا حاطبينه

هذى حياة الباديه مابها عور ...من بيننا مبطي روابط متينه

نقصد ولا نبغي من الشِعر جمهور ....حب البداوة من قبل عاشقينه

..يابنت أنا مانى على الذل مجبور ...ومثلي عزيز النفس محد(ن)يهينه

اصحي!!ولو مرت بك أيام ودهور ... لاتامنين الوقت...لاتامنينه

راضي برزق ٍ جابه الله ومستور ..وحتى ايش لو كنتي بنا مستهينه

في حب مثلك ماني اليوم مأسور ...مظاهرك ماتنفعك يافطيــــــــــــــنه

العبد يشقى يقطع ديار و بحور ...ومنهو سعى للرزق ربي يعينه

وانا احمد الله وضعي اليوم ميسور ...فضل ٍ من اللي كلنا عابدينه

الانسان آخرته مكفن ومقبور . . . ويلقى بعد دنياه ماضي سنينه

اما يلاقي الجنه اللى بها حور ..والا يلاقي النار تحرق جبينه

الموت ماخذنا ..ونمشيه بالدور .. هذا طريق(ن)كلنا سالكينه

وفي الآخره نلقى لنا كتاب منشور .. والطيّب اللى ياخذه فى يمينه

يلقى جميع أعمال دنياه بسطور ...وجميع ماسواه من صوب دينه

تقصيرنا واجد..عسى الذنب مغفور ..والخير للمسلم دروع ٍ حصينه

لذّات دنيا ً زايلة كلها جور ...تظهر لك الفتنه بصوره حسينه

اخذت انا العبره وباقول مشكور ...ترا العبر في الوقت هذا ..ثمينه

شعر : حـمـد الـمـــســــرع