عزي لمن مثلي جفا النوم عينه =يسهر وهمـّـه بين الأضلاع يجتال
قلبي من الفرقــاء تبيّـح كنيــنه =فرقا الخليل اللي خياله على البال
وجدي على شوفه وضحكت جبينه = ثم أنشده عقب البطى كيف الأحوال؟
وين الزمان الي جمعنا وسنينه؟=روّح وعيني دمعها سال همّـال
قال المحبة بالضماير دفينة= والله هو الشاهد على كل ما قال
يا صاحبي قلبي غدا لك رهينة= أذرعت بي عاللي شرى البعد بوصال
أصبحت أنا للهم لعبة بيدينه= حظّـي بعد فرقاك يا مسندي مال
يالله يا والي نفوسٍ حــزينة =يا عالمٍ ما يجهلك خافي الحال
تارف بقلبي يا كريم وتعينه = وتعيذنا وصويحبي شر الأنذال