مجالس العجمان الرسمي - يامسافر من مطار اليا مطار ((( الشاعر :عامـــــــــر الحجرف )))

مجالس العجمان الرسمي (http://www.alajman.ws/vb/index.php)

- مجلس الشعر النبطي (http://www.alajman.ws/vb/forumdisplay.php?f=26)

يامسافر من مطار اليا مطار ((( الشاعر :عامـــــــــر الحجرف )))

الحقيقه واضحه مثل النهار & والقلوب اسرارها وسط القلوب

والبراى من بين خلق الله جهار& لاحصل بين القبايل والشعوب

والدسايس طبع من دونه استار& يامميزت الصدوق امن الكذوب

دام نار العز تقدح من شرار & اقبس النيران والماء مايروب

انص بيتن فيه نور وفيه نار & وزل بيتن طافين من كل صوب

وامدح الوافين وطوال العمار & ولاتضيق ابك المنازل والدروب

وان تركت الدار تلقى لك اديار& رافعن راسك امقدر وامحسوب

واليمين اتمد قدام اليسار & ياسعد منته على اللاش امغصوب

انتبه للي عطاياهم اكبار & لاحداك الوقت خباط الجنوب

بينن فرق الطوال امن الصغار&فالطعن ولا الصحن ولا الجيوب

يامسافر من مطار اليا مطار & جيت من شاني وعن غيرك تنوب

النوايب للرجـاجــيل اختبار & فالكرم والعرف ولا فالحروب

ياسعد تبنى لك البيضا شعار & فالنوايف مستوى عطر الهبوب

تستحق البن ممتاز البهار & وازرقن لافاح قطرانه يذوب

ولك حقوقن بالسنام وبالفقار& ولك ملابيس الثنى بشتن وثوب

واجب الطيب كمى شمس النهار& رغم عميان البصاير والقلوب ((( الشاعر : عامـــــــــــر الحجرف )))

/صح السانك ياعامر قصيده جزله من شاعر جزل

لاهنت ياعامر وبيض الله وجهك