معزة النفــس
هذه القصيدة قالها الشاعر المرحوم ابديوي الوجداني العتيبي وهو يذكر
معزة النفس :
أيامنا والليالي كم نعاتبها = شبنا وشابت وعفنا بعض الأحوالي تاعد مواعيد والعاقل يكذبها = واللي عرف حدها من همها سالي إن أقبلت يوم ما تصفى مشاربها = تقفي وتقبل ولا دامت على حالي في كل يوم تورينا عجايبها = واليوم الأول تراه أحسن من التالي ايام في غلبها وايام نغلبها = وايام فيها سوى والدهر ميالي جربت الأيام ومثلي من يجربها = تجريب عاقل وذقت المر والحالي نضحك مع الناس والدنيا نلاعبها = نمشي مع الفي طوع حيث ما مالي كم من علوم وكم اداب نكسبها = والشعر مازون مثقال بمثقالي اعرف احروف الهجا بالرمز واكتبها = عاقل ومجنون حاوي كل الأشكال لا شك حظي ردي والروح متعبها = ما فادني حسن تاديبي مع الأمثالي ان جيت ابي حاجه عزت مطالبها = العفو ما احد من المخلوق يا والي قوم الى جيتها صكت حواجبها = وابدت لي البعض في مقفاي واقبالي ماكني الا أمسوي حال مبغضها = والكل في عشرتي ماكر ودجالي يا حيف تخفى امور كنت حاسبها = واللي على بالهم كله على بالي والجار جفى وكم قوم نحاربها = والأهل واصحابنا والدون والعالي والروح وش عذرها في ترك واجبها = راح الحسب والنسب في جمع الأموالي نفسي بها العز والحاجات تغصبها = ترمي بها بين اجاويد وأنذالي المال يحيي رجال لا طباع بها = كالسيل يحيي الهشيم الدمدم البالي عفت المنازل وروحي يوم اجنبها = منها غنيمه وعنها البعد اولالي لا خير في ديره يشقى العزيز بها = يمشي مع الناس في هم واذلالي دار بها الخوف دايم ما يغايبها = الضيم فيها وفيها بعض الاحوالي جوعا سراحينها شبعا ثعالبها = والكلب والهر يقدم ولا يبالي عز الفتى راس ماله من مكاسبها = يا مرتضي الهون لا عز ولا مالي دللت بالروح لين ارخصت واجبها = وانا عتيبي عريب الجد والخالي قومي تدوس الأفاعي مع عقاربها = ولها عزايم تهد الشامخ العالي كب المنازل وقل للبوم يندبها = يبكي عليها بدمع العين هطالي لا تعمر الدار والقالات تخربها = بيع الردى بالخساره واشتر الغالي ما ضاقت الأرض وانسدت مذاهبها = عن كل حر شهر في راس ما طالي دار بدار وجيران تقاربها = وارض بارض واطلال باطلالي والناس اجانيب لين انك تقاربها = وتكون منهم كما قالوا بالأمثالي والأرض لله نمشي في مناكبها = والله قدر لنا ارزاق واجالي حث المطايا لشرقها وغربها = واقطع بها كل فج دارس خالي واطعن انحور الفيافي في ترايبها = وابعد عن الهم تمسي خالي البالي من كل عميلة تقطع براكبها = فدافد البيد درهام وزرفالي تبعدك عن دار والأخرى تقربها = واختر لنفسك عن المنزال منزالي موت بدويه قفرا جوانبها = فيها لوطي السباع القبس مدهالي اخير من ديرة يجفاك صاحبها = كم ذا الجفا والتجافي والتملالي دوس المخاطر ولا تخشى عواقبها = الموت واحد وموت العز اولالي ان المنيه اذا مدت مخالبها = تدركك لو كنت في جو السما العالي ما قرت للأسد في عالي مراقبها = تسعى للأرزاق ما حنت للأشبالي والشمس في برجها والغيم يحجبها = تقفي وتقبل لها في الفلك مجدالي رب السماوات يا محصي كواكبها = يامجري السفن في لجات الأهوالي ضاقت بنا الأرض واشتبت شبايبها = والغيث محبوس يا معبود يا والي يا الله من مزنة هبت هبايبها = رعادها بات له في البحر زلزالي منقول.. |
hadil صح لسانك ولسان قايلها
ولاهنت على النقل |
اقتباس:
ولسانك والله لا يهينك ، وشاكر لك مرورك الكريم والمشاركة. أخوك / هادي. |
الوقت في المنتدى حسب توقيت جرينتش +3 الساعة الآن 05:30 AM . |
مجالس العجمان الرسمي