مجالس العجمان الرسمي - ذكاء دغيم الضلماوي

الشاعر دغيم الضلماوي الشمري

إشتهر بالكرم وشبت النار في الساعات المتأخرة من
الليل كما ورد في قصيدتة المشهورة التي قالها اعتزازا
بفعله وقد عارض هذه القصيدة العديد من الشعراء
ما بين مادح ومعترض ، وبعد أن صار لهذه القصيدة شأن
اهتم بها الأمير والفارس محمد العبدالله الرشيد وقد قال
الرواة ان الأمير اغتاض من الشاعر لأنه مدح نفسه

وقد قال الضلماوي :

يا كليب شب النار ياكليب شبه = عليك شبه والحطب لك يجابي
وعلي أنا ياكليب هيله وحبه = وعليك تقليط الدلال العذابي
وادغث لها ياكليب من سمر حبه = وشبه الى منه غفا كل هابي
باغ ٍ الى شبيتها بالمشبه = تجذب لنا ربع ٍ سرات غيابي
بنسرية يا كليب صلف مهبه = متكتفين وسوقهم بالعقابي
سراة بليل وناطحين مهبه = لا نسنست كن به سم دابي
خطو الولد لو به زبون وجبه = ياتي عليهم من حساب الزهابي
لا باطن الهلباج خطو الجلبه = يا حلو خبط إعصيهم بالركابي
اطمر لهم وابدي سلام المحبه = لا جو على هجن يديهم خرابي
مع كبش ٍ مصلاح لك الله نجبه = لا دبر الهين متين العلابي
والوالمه يا كليب عجل بصبه = والرزق عند اللي ينشي السحابي

وكما أسلفنا فقد صار لهذه القصيدة صدى واسع مما جعل الأمير
محمد العبدالله الرشيد يغار من مدح الشاعر لنفسه وقيل أنه قال
لمن حوله ألا ترون الضلماوي يقول هذه القصيدة ثوب مفصل
على قده فوالله ان قهوتة مني ومصروفه ومع ذلك لم يذكرني
فسوف أتأكد من صحه قوله فتنكر الأمير وقصد منزل دغيم
في اخر الليل فوجد الدلال على النار وهو جالس قرب الوجار
فما أن سمع خبط الركاب حتى استوى قائم فرحب بالضيوف
واجلسهم وهو يشعر بنشوة الفخر كعادات الأجواد فقام ليجدد
القهوة وحمس ودق ونثر القهوة الموجودة بالدلال وقدم القهوة البكر
للضيوف وعندما تقهووا ولم يعرف أن ضيوفه الأمير وبعض رجاله وقد
كشف الأمير عن وجهه فقال هل تعرفني قال نعم فقال الأمير أنا
لم أتيك لأجل القهوة ولكني اعجبت بالقصيدة اللي قلتها بالقهوة
فعرف الضلماوي أن الأمير ناقم من عدم ذكره بالقصيدة وقد بلغه
خبر غضب الأمير وشرهته على دغيم فقال دغيم انا قلت قصائد
كثيرة ولا أدري ما هي المطلوبه فقال الأمير التي قلتها بالقهوة

فقال الضلماوي يعتذر بهذه القصيدة :

المرجله بيره بعيد المجاذيب = على خطو الناس عسير متله
حشته ونشته يانحاز الأجانيب = حيثك مثل حر هوى له حبله
حشته بالعدوات وروس المراقيب = لا غبت يا حمض الكبود المغله
انت الذي مالك خشير مع الطيب = ولو تستحي ما تاخذ الطيب كله
وانت اللي طيبك ما لقى له حواسيب = ظلما وغدر وتايه مستدله
ابو العمى وابو من قصر رجله العيب = وابو من صار االعصى ثالثله
لا جا ايتوكا على عوج المصاليب = اللي لا مال الوقت صرت اولدله
تكفا محايب وتملا محاليب = كبود تيبسها وكبود تبله
شده رهن لولاك ماقلت يا كليب = ولا قلت شب النار وصرت موقد له
ولا انسا حمود راس حصن المطاليب = لا خالف المسمار بالقاز تله
اسمح وسامح يا قليل العذاريب = سامح عسى ما جيت عقد تحله

منقول...