قصيده في الامير طلال بن فيصل بن خرصان من الشاعر مسفر آلِ عليان
 

سلام مني فـ اول القول و اتلاه
ابدا السلام و بالختام السلامي
على ابو فيصل جعل الانذال تفداه
و جعل الردي يفدا رفيع المقامي
طلال يزهى المدح و المدح يزهاه
و الطيب طبع القرم نسل الكرامي
قرم (ن) علامات الوفاء في محياه
لا راوز اضلال البراد الخمامي
المرجله يسعى لها لاعدمناه
يفزع لها فزعات يامي ليامي
ابوه قبله له طروق مخلاه
اقطامي (ن) متسلسل (ن) من قطامي
نوادر (ن) على المراجل مضراه
اتجري الهايب نهار الزحامي
عجمان من روس الرجال المسماه
بين العرب تحمل كبار الاسامي
يا مية (ن) يثنون دون المخلاه
دخيلهم يوم القسا ما يضامي
اهل الكرم و السلم و الوجه و الجاه
يا سعد من جاو محلف له حزامي
مداتهم منها الفقارين مغناه
اهل العطايا اللي عليه الكلامي
و لعيون ترفات البني المخباه
يردون حوض الموت ورد الضوامي
رماحهم بالدم الاحمر محناه
و سيوفهم تكسر قوي العظامي
هذا قليل و من كثير ذكرناه
و الحق مثل النور يجلا الظلامي
سلام مني فـ اول القول و اتلاه
ابدا السلام و بالسلام الختامي

الشاعر مسفر بن سالم ال عليان القحطاني

رد: قصيده في الامير طلال بن فيصل بن خرصان من الشاعر مسفر آلِ عليان
 

كفو والله بالأمير ابوفيصل وصح لسان وجه محلف.