مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس قصائد قيلت في قبيلة العجمان ويام كافة (http://www.alajman.ws/vb/forumdisplay.php?f=40)
-   -   قصيدة مهداه للشيخ فهد ابن قروش والعجمان (http://www.alajman.ws/vb/showthread.php?t=73584)

الناهسي 24-11-2012 09:06 PM

قصيدة مهداه للشيخ فهد ابن قروش والعجمان
 
بسم الله الرحمن الرحيم
السلام عليكم ورحمة الله وبركاته

سجلت في هذا المنتدى محبة فيكم واناالشاعر فايز بن فاهده الناهسي ضيف عليكم من قبيلة ناهس وهذه أبيات متواضعة إهداء لابن قروش ولي عندكم طلب هو ضيافتي عندكم أن تصل هذه الأبيات لابن قروش ولكم مني كل الشكر واتمنى ان تعذروني عن القصور

سلام يابن قروش اعداد هتان=مزن به البراق عقرب ولاحي
ياشيخ ياللي بالمهمات مزبان=يافزعة المضيوم لا منه صاحي
ريف الضيوف ومزبن لا بدى الشان=ديوان قصرك باشقر البن فاحي
كنز الشجاعة والكرم ياكحيلان=في بيتك الخطار عصر وصباحي
ماهي غريبه فالعلا نجمكم بان=يشهد بطيبك كل من جا وراحي
اقولها ويقولها قاصي ودان=ما للجمايل والوفا والصلاحي
إلا ابن قروش من عطيبين الاكوان= امن ال شامر عزوتن ماتزاحي
يام القبيلة ومركز الجد عجمان=لا جا نهار فيه زرق الرماحي
حرابة تروي القنا وحد شامان=صويبهم يخطي سهوم الفلاحي
فرسان فوق الخيل بالحرب ظفران=شجعان لا هيب صريف السلاحي
اهل التراحيب اللي بالعسر كرمان=فزاعة تهدي طوال اللواحي
قلته وانا من ناهس خو شهران=من لابتن حرابهم مااستراحي
لكن علي وجه الزمن قشر وشان=وضاقت عليه من جميع النواحي
ونصيت قرم ن حاضر كل ميدان=قسمه من الطيب الفقار الشناحي
ابو نغيمش لا بدى اللازم وبان=ابشر بوجهن طلق رضي سماحي
كريم والكريم بامر الله امعان=لو باح جود الناس جوده ماباحي
انخاك يافهد او الذيب سرحان=نخوة عروبة تطلق الي السراحي
بين الفقر ومقابلة وجه ديان=لاقام بي الحظ عود وطاحي
روابعي تزمي ومكسور جنحان=والحر مايشهر لكسر الجناحي
يحرم على مااسوم وجهي بحقران=ال مدعين الطيب وهم شحاحي
منصاي من تبنا له البيض حران=جزل الفعايل والنوايا صحاحي
ان هو قضى اللازم فشكر وعرفان=وان ماتيسر له فمدحه مبحاي
مثل فهد كريم ووسيع ابطان=يلبس من امدحه وسام او وشاحي
وختامها سلامتك يابو راكان=وعفاك وانا ارجي العذر والسماحي


وسلامتكم جميع

سمو الرووح 11-01-2013 01:55 AM

رد: قصيدة مهداه للشيخ فهد ابن قروش والعجمان
 

صح الله السناك وتسلم يمكناك

ويستاهلون العجمان فهم أهل الكرم والطيب والشجاعة من غير قصور بالقبايل الأخرى

دمت بحفظ الله.

سيل الوادي 09-04-2013 07:18 AM

رد: قصيدة مهداه للشيخ فهد ابن قروش والعجمان
 
يستاهل بن قروش وعلى طريق المدح


يـاشـيـخ يـالـلــي بالـمـهـمـات مــزبــان
يـافـزعـة المـضـيـوم لا مـنــه صــاحــي


الوقت في المنتدى حسب توقيت جرينتش +3 الساعة الآن 01:15 AM .

مجالس العجمان الرسمي