أشْرَبْك يا(ما ورد) ما آكلْك يـا ورد=واضرم عليك ان غبت واسري واشمك
مانيب احنّك مـن قسـا ليلـة البـرد=لا صار حظـن المزهريـه يضمـك
انا اللـي احتـاج لمساحاتـك المـرد=وهمسـة دفـا مابيـن فمّـي وفمّـك
عليـك كـل عروقـي الظاميـه ورد=بـاذوق مـاك ويمكـن اذوق دمـك
ماعاد ينفـع لـو تبـي لعبـة النـرد=لو فزت مايمـدي باخمـك باخمـك
و زور البعير الى تعانق مـع الجـرد=برحل معـا غفـوة شتاتـك والمـك
ياموَلّع القيفان يـا مـروض الشـرد=اجتث همـي مثـل ماجتـث همـك
واسأل هل البصره عن معاشر الكـرد=يمكن يقولون امـش والبـس معَمّـك
ياموسوسٍ في قلب (بشار ابـن بـرد)=(بشار) مات وسقـت الاقـدام يمـك
اصيح لك والفكر جا يطـردك طـرد=خذني معـك مابين(كيفـك و كمـك)
وسمعني من السرد واسَمّعـك سـرد=واكذب علي كذبك على ابيـك وامـك
ترى اللسان افـراد ولاّ الوفـا فـرد=فديتك اقـرب ودي بشـوق اضمـك