انا ياسعد من هالزمن ماني ابمرتاح=زمانن يخوف ياسعد قلت افراحه
زمانن به الطيب ابقلبه يشيل اجراح=كما طير حرن مير مكسورن اجناحه
ولا عاد به شده ومن حرتن به صاح=ومن حر مابه صد عن شوف ملواحه
وهبوب الهوى له ياسعد صايرن يجتاح=عقب ماهوب ضد الهوى اليوم يجتاحه
تغير عليه الوقت والوقت له ياصاح=يزود ونينه ثمن يزود اجراحه
زمن ياحسافه صار فيه الفرح ينزاح=عن الطيب ولاعادله بالزمن راحه
حسافه عزيز النفس ماعادله جراح=يداوي اجروحه ياسعد وين جراحه
تجي دايمن له طعنتن كنها برماح=وخبيث الطبايع شايلن بيده ارماحه
ولامن رما يرمي ولا كن معاه اسلاح=الامن رما يرمي وهو مخفي اسلاحه
يخون ابرفيجن له ويفرح ليامن طاح=يوجه له الطعنات ويزود اصياحه
وباب المصايب له معه ياسعد مفتاح=وبعض الخلايق منه ماهيب مرتاحه
حسودن لعينن للفرح دايمن ذباح=وللنار يولع دوم من غير جداحه
غريبن عجيبن هالزمن للردي رباح=من المدح وزادت ياسعد زادت ارباحه
اشوف اللئيم ابهالزمن عايشن بفراح=كثير العيوب وكنها عنه منزاحه
حسافه على وقتن مضى في زمانن راح=زمانن به الطيب له الناس مداحه

المشاركة الأصلية كتبت بواسطة على الطريق (المشاركة 470472) صح لسانك اخوي طلال .. والله لايهينك على القصيدة الرائعه .. وننتظر جديدك...

المشاركة الأصلية كتبت بواسطة مسفر مبارك (المشاركة 470474) صـح لسانـك وفي أنتظــار إبداعــك ،،،،،،،،

المشاركة الأصلية كتبت بواسطة هداج تيماء (المشاركة 470584) قصيدة رائعة صح لسانك يا الشاعر المبدع طلال الصواغ