أبسط معرفة تفرق الطيب و العيـب = و التجربة يآخذ بها الرجـل خبـره
درب الوفا قالوا ترى عسر وصعيب = يلقى حلاته من شرب كأس صبـره
الطيب لا تستغربه من هل الطيـب = اللي لهم في منهج الطيـب خبـره
أوسع على الاجواد من فيضة شعيب = و اضوق على الانذال من ثقب الابره
رأس بليا احساس ترى نقله تعيـب = مثل القلـم مـا ينفـع إلا بحبـره
و العظم لا منه فسد مخـه يعيـب = كسره يساوي عنـد راعيـه جبـره
و اهل المثل قالوا كل طير ٍ له لعيب = يدرع بما يـدرع و يشبـر بشبـره

المشاركة الأصلية كتبت بواسطة يالبيه يالرقه (المشاركة 1135766) ووعليكم السلام ورحمه الله وبركاته الطيب لا تستغربه من هل الطيـب اللي لهم في منهج الطيـب خبـره أوسع على الاجواد من فيضة شعيب و اضوق على الانذال من ثقب الابره الله الله صح لسانه شاعر وافي ومجمل لا هنتي على ذوق الرائع والجميل ولا ترحمينا من جديدش والى الامام

المشاركة الأصلية كتبت بواسطة الغروب (المشاركة 1135833) عزوتي دوسريه اشكرك على نقل القصيدة المميزة وصح لسان شاعرها لكِ تقديري.

المشاركة الأصلية كتبت بواسطة ِِِAL 3ajmiah (المشاركة 1136007) الله ..! صح لساان شاعرهاا ولساانك يالغلا لاهنتي ..

المشاركة الأصلية كتبت بواسطة النـوف\نايفه عن كل البنات (المشاركة 1136024) الله لا يهينـك عالإختيار الرائع دمتـ بهـذهـ الروعـهـ 1bh1