حب الرسول
نُشْهِـد إله الكون في حب الرسول = الـهـاشــمي طــه شفيــع العــالمـيـن اللي نشر دينه على العالم شمـول = مـن رحمته يشفق على اللي ظالمين هو الأميـن الصادق الكلمات قول = معتـق رقاب النـاس خير الشافعـيـن مثـل المطـر هتّان يازين الهطول = والأرض عـطـشا والاوادم ظـاميين أنبت بها حبٍ جرى جري السيول= فيــه الثــمر طـاعه تـزين العـابـدين أنـزل عليــه الله آيــاتـــه نــزول = نــورالخــلايـق جــنّــةٍ للصـابـرين شـــال الأمانه طايعٍ مبدي القبول = صـابرعلى اهل الشرك ويا الكافرين خلّى الجهل والكفر بامر الله يزول = الله نصيــره ضـد كـيــد الكايــديـن حـبـّه يـفـوق النفس بانـفسنا يجول = والأهــل وعـيــالٍ عليــنـا غـاليـيـن دايــم يكــرر أمتي وقـت الـمثـول = يــوم القـيــامه جعــلــنا به فايـزين |
رد: حب الرسول
دايــم يكــرر أمتي وقـت الـمثـول = يــوم القـيــامه جعــلــنا به فايـزين
اللهم أميين.. عبداللطيف الفضلي صح لسانك ماشاء الله مبدع في قصائدك يا ذيب الشعر :) |
رد: حب الرسول
اخوي الغالي عبيد العرجاني
ماعليك زود يالذيب صح بدنك وعساك سالم |
رد: حب الرسول
جعله الله في موازين حسناتك
الف شكر على الطرح الرائع دمت بود |
رد: حب الرسول
عبدالله الحصين
آمين يارب العالمين صح بدنك يالغالي |
الوقت في المنتدى حسب توقيت جرينتش +3 الساعة الآن 05:47 PM . |
مجالس العجمان الرسمي