قصيده الشاعر: سليمان بن بلال في الشاعر: يحيى المحيريق.
بسم الله الرحمن الرحيم أخواني الأعضاء والزوار هذه قصيده قالهاالشــاعــر سليـمـــان بن مسـفـر بن بلال ال فطيـــح. في زميله الشاعر يحيى بن حمدان المحيريق ال فهـاد.عندما تعرض لوعكه صحيه حوًل على أثرها إلى خارج البلاد والحمد لله قد شُفي يحيى المحيريق وإليكم القصيده:: من مغرب البارح إلى فجر ليلته=جمر الغظا ولع بصدري مليلته بعد اتصالي في صديق يهمني=غيب غياب تجرح القلب طيلته ماهوب شف له ولاهي برغبته=والأمر لله ميلته وتعديلته ماراق فكر ولاجفون تريحت=بعد اتصال أشغلنتي وسيلته يحيى بن حمدان المحيريق صاحبي=أخ عزيز ومن مقادم قبيلته أمجار يارجل المواقيف والوفاء =ياوافي ماحد شكا من رذيلته يامكرم الهشال والجار والخوي=وتعد ساعات الجمايل جميلته ساس وراس وافيات مراجله=من عهد جدانه ومن طيب أصيلته من راس حمدان راعى الصدق والضفر=ولاتاه من راس الوعيلي دليلته حفيد شيخٍ ماضيات تجاربه=زيزوم قوم وترجح الكيل كيلته جده محيريق راع الصدق واللقاء=ان ألتمس نار الزناد بذبيلته يوم الحرايب والكسايب بما مضى=أكبارته تعرف وتعرف عقيلته من صلب جدا ًنعتزي فيه كلنا =وعيل من راس الهشامي فصيلته خيالة الضيقا ونطاحة العداء = أن صيح الصايح وعلق شليلته داعي وعيل أهل الفعول الموكده= سم ذحاح ان غرت الشًره عيلته ولكل قوم عزوة تعتزي بها= يوم الجهل والحرب تشعل فتيلته واليوم ساد العدل واستبعد الجهل= بحد مذلوق تشعشع صقيلته بفضل من سادالجزيره وقادها=من مبتداء تكبيرته وتهليلته عبد العزيز مخلد المجد للورى=ياطيب عقباء مبتداه وصميلته يابو محمد لو شفا الجرح ينشرى=لاعاش من قصر بحيله وحيلته ولو الشفاء من صحتي ماذخرته =ولاخير فيمن لاتدرج حصيلته لكن شفاك يحققه مدرج الفلك=رب جميع الناس ترجي فضيلته أشفق عليك ومثلك أمره يهمني=كل ابلج يعرف وتعرف نفيلته ماكل رجال إلى غاب ينفقد=ولاكل براق تراعى مخيلته ياكثرمن حوًل وطالت مغوبته=محد دراء عن طلعته وتحويلته ون وقف أجله ماحداًحزن لجله=ألاهله لادنين ولاحليلته والانت محسوب على يام كلهم=وكم وافي صحتك تبري غليلته الفرق شاسع والمفاهيم واضحه = ومن لايميز وش بعد مستحيلته فقت الثلاث وغيرها الشعر والوفاء=مدات رب مايشح بجزيلته والخمس من وهب بحدها توهله= حسب التجارب والأدب وتعليلته والكامل الله والوهايب وهايبه = والهرج تكفي صملته عن طويلته والقصد مايجهلك والعلم تدركه=عسى تصح ويعدل الوقت ميلته والختم صلى الله على سيد البشر= واسلم ودم والعلم هاذي حصيلته هذا ولكم أطيب تحياتي م ن ق و ل |
صح لسان شاعرها وتسلم يمين ناقلها
ولاهنت على النتقل الرأئع |
خالد الفطيحي
مشكور على المرور ولاهنت |
لاهنت يابعيد المسرى
وصح لسان ابن بلال ولا هنت تحياتي لك |
بعيد المسرى؛؛ماقصرت وصح لسان سليمان بن بلال
|
فهد بن محسن
مشور ولاهنت على المرور تحياتي |
الحر الأشقر
مشكور ولاهنت تحياتي |
يحيى المحيريق شاعرواديب ومثقف اسأل الله العلى القدير ان يمنحه الصحه والعافيه .
وقصيدة ابن ابلال جزله والمحيريق يستاهل مشكور اخوى على النقل |
البدوي
حياك وصح لسان الشاعر سليمان بن بلال على القصيده ويستاهلها الشاعر يحيى المحيريق تحياتي |
صح لسان شاعرها وتسلم يمين ناقلها
ولاهنت على النقل الرائع ونتمنى رؤية قصائد ومحاورات لـ الشاعر / يحيى المحيريق والله يشافي ويعافي جميع المسلمين وتقبلوا سلامي واشواقي |
سعود الخويطري
يسعدني مرورك وتعليقك شكراً |
رد: قصيده الشاعر: سليمان بن بلال في الشاعر: يحيى المحيريق.
الله لايهينك على القصيدة ولايهين ابن بلال ..... وال بلال ماشا الله خذوها علينا في الشعر ... ويستاهلون كل علم طيب..
,,,,,,,,,,,,,,,,,,,,,,,,,,,,,,,,, |
رد: قصيده الشاعر: سليمان بن بلال في الشاعر: يحيى المحيريق.
سهيل
لاهنت وال بلال كفو ويستاهلون العلوم الطيبه |
رد: قصيده الشاعر: سليمان بن بلال في الشاعر: يحيى المحيريق.
يابو محمد لو شفـا الجـرح ينشـرى = لاعاش مـن قصـر بحيلـه وحيلتـه
ولو الشفاء مـن صحتـي ماذخرتـه = ولاخيـر فيمـن لاتـدرج حصيلـتـه لكن شفـاك يحققـه مـدرج الفلـك = رب جميـع النـاس ترجـي فضيلتـه أشفق عليك ومثلـك أمـره يهمني = و كـل ابلـج يعـرف وتعـرف نفيلتـه ماكـل رجـال إلـى غـاب ينفـقـد = ولاكـل بـراق تـراعـى مخيلـتـه الله الله صح السان الشاعر سليمان بن بلال وحبيت اسال هو راعي البيت هذا : المديح اليا مدحته زاد جوده ماتونا .... والردي اليا مدحته شك في نفسه زياده ولك مني جزيل الشكر والتقدير |
رد: قصيده الشاعر: سليمان بن بلال في الشاعر: يحيى المحيريق.
تسلم اخووو على مرروووورك ... والله لايهينك .
......... |
رد: قصيده الشاعر: سليمان بن بلال في الشاعر: يحيى المحيريق.
أخوي / الوافي
حياك الله ويسعدني مرورك وأما بالنسبه للبيت اللذي تسأل عنه فأنا سمعته من الشاعر سليمان بن بلال. في أحد المجالس وهو من ضمن قصيده طويله وعسا تسعفني الذاكره وأورد بعض من أبيات القصيده : قلتها ونا من اللي لادعينا ماطمنا====يام وافين الفعول وشبرهم فيه الزياده الشجاعه طبع فينا من قبايلنا وهلنا===مدركين الفخروالعز أخير من النقاده هذا ما حفظته من القصيده أثناء أستماعها وتقبل خالص التحيه |
رد: قصيده الشاعر: سليمان بن بلال في الشاعر: يحيى المحيريق.
سهيل
مرحبا يسعدني مرورك |
الوقت في المنتدى حسب توقيت جرينتش +3 الساعة الآن 01:16 PM . |
مجالس العجمان الرسمي