قصيده للشاعر المرحوم حسين بن عبدالله بن حويل ال حمد بن زيد يام
 

http://عقيد الركاب رمهان

يالله يامطلوب ياعالم الغيب واسراره***يامعتلى فوق خلقه في السماء العالي
طالبك ليــــــــل تعـــــدى سيله اصباره***يسقي محايـــير وادي الـــراك بهجالــي
يسقي لنا مــــــن خليقا ليـــــورا القاره***ترعاه جــــل العشاير شـــيب لذيالــــي
هــــو عــاد في العمر نرعــى كـــل خواره***نرعابها نبت وادي عقب ما سالي
هـــني مــن شــــــــاف جمع فيه لعابه***وســــلاحهم يشـــترون المعلـــم الغالــــي
ويشوف جمع رزين فيه عيــــاله***وهنـــي مــــن شـــاف جمع فيــــه جهــــالي
ولي لابة يخلفون الشره مــــن رايـــــه***وعيد الركــــايب لما هفت بهشــــــالي
حديثهم مـــــثل بــــن كثر بهـــــاره***ولا حلــــيب ضوت بــــه عــــــرب لجهالـــي
ياويــــن بلقـــــا صبي طيب فالــــــه***ومعنزيــــــــــنه على الجــــدان والخـــــالي
شوره سديد وطاعـــــة ربعه اشواره***ومـــــن دون ربعــــه يعرض الحــــــال والمالي
خله وانا عـــــاد شفي فوق صباره***حمراء مــــــــن الجيش زينات التخلخالــــــــــي
تقطع صليب الرسن ليسمعت الغاره***تعجبك لما درهمت بك في الخلا الخالــــــي
ولا غمارة ونيت ولـــــــــزم الطـــــاره***فيه المسجل وانا اسمع كل ما قالـــــــي
ويقرب اللي بعيد الدار مـــــن داره***ويجعـــــل مسير الشهـــــر يــــــوم وقيالـــــي

رد: قصيده للشاعر المرحوم حسين بن عبدالله بن حويل ال حمد بن زيد يام
 

الله يسكنه الجنه

:

الأخ / الفيصل 2009

لاهنت على إيراد القصيده الحصريه

وبيض الله وجهك

:

1bh1

رد: قصيده للشاعر المرحوم حسين بن عبدالله بن حويل ال حمد بن زيد يام
 

لاهنت يالفيصل والله يبيح من الوالد حسين

رد: قصيده للشاعر المرحوم حسين بن عبدالله بن حويل ال حمد بن زيد يام
 

الفيصل 2009
لاهنت على إيراد القصيده الحصريه

رد: قصيده للشاعر المرحوم حسين بن عبدالله بن حويل ال حمد بن زيد يام
 

رد: قصيده للشاعر المرحوم حسين بن عبدالله بن حويل ال حمد بن زيد يام
 

لاهنت يا الفيصل وبيض الله وجهك

ورحمة الله عليك يا صاحب القصيده

وعلى فكره أنا أمتلك الكثير من قصائد الوالد حسين رحمه الله وهي مهداه لي من احد أحفاده الذي تربطنا بهم قرابه.
وان شاء الله أزودكم بها
تحياتي

رد: قصيده للشاعر المرحوم حسين بن عبدالله بن حويل ال حمد بن زيد يام
 

اشكرك اخي زايد بن الغزعلى مرورك الطيب لمشاركاتي بس ودي اني اعرف من انت لاني من احفاد المرحوم حسين ال حويل واتشرف بمعرفتكتحياتي اخوك الفيصل 2009

رد: قصيده للشاعر المرحوم حسين بن عبدالله بن حويل ال حمد بن زيد يام
 

بيض الله وجهك ياالفيصل ولاهنت لطرح شعر الشاعر ورجل المعروف حسين بن حويل الله يرحمه

رد: قصيده للشاعر المرحوم حسين بن عبدالله بن حويل ال حمد بن زيد يام
 

بيض الله وجهك يالفيصل2009 على هالقصيدة

ورحم الله شاعرها واموات المسلمين واطال الله


عمر الحيين على الطاعة

شكراً على مجهودك
وتقبل تحياتي

رد: قصيده للشاعر المرحوم حسين بن عبدالله بن حويل ال حمد بن زيد يام
 

1- هذا القصيده رثاء في احد ابله واسمها (الهوجاء)

	الله لايسقيك ياليـــــــل المعنـــــــا ### ليله (الهوجاء) لحمها يطبخونــه ان ضوتنا راح ليل الشـر عنـــــــــا ### اربعه لعســــــها ما ينقلونـــــه كن قواطرها خلقها قاطور شنــــا ### عذبه جذبالرشاما يرقـــعونــــــه ذيب يا سرحان زوع صوب اهلنــــا ### قلهم من تخسر يــرفـــدونــــه طــــالبــك خــواره منــك تــهنــــا ### راسها وحوارها ما يقــهرونــــه عادها حمرا وكنها لــــون حنـــــا ### وعاد ابيها من الاوارك يذكرونه طـــــــالبـــك ليل ونـــوه قدتبنـــا ### من على نجران يسقي به زغونه

الشاعر حسين بن حويل ال سالم