النور شعشع يا ديار المجـد وديـار السـلام=والتم شمل اهل القلوب العامـره بايمانهـا
المشهد ابلغ من حدود الوصف وسمان الكلام=في بيت من حفظ العهود الماضيات وصانها
شيـخ ورد المكـارم والـولا وردالحـيـام=الصدق مبدا والمبادي ثابتـه مـا iiخانهـا
يا مرحبا يا سيـدي ترحيبـه تجـلا الغسـام=في ليلـه تباشـرت فـي جيتـك شيبانهـا
يامشعل ابن سعود ياللي في يدك حبل الزمـام=ياراعي البيرق ليا شـب الوغـي ميدانهـا
انت تلالا مثل نجم سهيل من فـوق الغمـام=يابن الملـوك اللـي تشيـد بالوفابنيانهـا
يوم المخافه والديـار قفـار والدنيـا ظـلام=ما همهم ساقوا الركايب واشعلـوا نيرانهـا
عصبه هل العوجا ليا اهتز الصليب من العظام=سيوفهم تبرق وصحيـات الظفـر عنوانهـا
يا يام يا همدان يا ربعـي هلـي يايـام يـام=اليا ارتفع صوت العزاوي واشتبـك دخانهـا
يا مرخصين الروح دون الحد يـوم الزحـام=يااهل المهار اللي ينومسها فعـل فرسانهـا
قوموا وارفعوا البيضا لبو فيصل معزه واحترام=وقولوا له انه تاج نجران وسنـد سكانهـا
يا سيدي والعفو عند المقـدره طبـع الكـرام=اللي رفع ربـي منازلهـا وعـلا شانهـا
ننخاك باسم اللي اختنق بالدمع من قبل المنام=عود فقد غالي وفاضت عبرتـه باحزانهـا
شوفه قصر ويجر صوته مثل نايحت الحمـام=قام يتلفـت للجبـال اللـي بكـت وديانهـا
يصيح باسمك وانت مشعل مشعل اللي مايضام=القول قولك والقضيه فـي يديـك عنانهـا
يكيفك لامنه رفع كفيه فـي البيـت الحـرام=من دعوته سبع السماوات اشرعت بيبانهـا
يا سيدي ما فات مات نقولها في كـل عـام=حنا معك نرفـع مبانيهـا علـى عمدانهـا
ارفع حجاجك في نهار الضيق حنا لك حـزام=حنا لها لا شمرت قـوم الـردي سيقانهـا
عيونا مواطن سمـوك دوم ياعالـي المقـام=لا ذعذع البرد التحف يا سيـدي باجفانهـا