انا بأبدا بذكر اللي عليمن ما خفا السدي = انا بأبدا بذكر الله قبل ما ابدا بقيفاني
سلم الله سلام الله على منهم نسل جدي = سلام الله على يام ابن يصبا ترث همداني
سلامن خالطه ريح الخزاما مع زهر وردي = الى يام الشكاله لابتي ذربين الايماني
سلام احلى من السكر سلام احلى من الشهدي =سلامن خلطه عودن لكم ياطيور حوراني
نعم يايام ياربعي نعم ياجدي وعدي =نعم يااصلي وفصلي نعم ياقوم ضفراني
نعم ياعصبه للراسي نعم ياعزي ومجدي = نعم يامنبع الناله نعم يافزعة الجاني
نعم يادرعنا الضافي نعم ياسيف في يدي =نعم ياصلب جداني نعم ياصلب جداني
تواريخ العرب تشهد لكم من سالف العهدي = كما شمس الضحى ظاهر ومثل البدر لاباني
فلا منه غدى داري جنوبي فانتم الحدي = جنوبي بالنقا مري فداكم لاحصل شاني
ترى اليامي لفعل الطايله ياسامعي مودي= جرى حب الشكاله في دمه في وسط شرياني
من اصله والف الشيمه وفصله طايل المدي = ومن ساسه نقي وافي وفي راسه كما العاني
شجاعن في الوغى فارس ترى ياويل من ضدي = شهاده ختمها تركي تحت توقيع راكاني
وترى من هو عدى يامن سهيرن والف السهدي = الا ونشهد ابو همدان عن روغات الاذهاني
ومن جاهم يبا الفزعه غدى شيخ العرب عبدي = ترى يبشر بفزعة لابتن في الحرب شجعاني
سكنا ربعنا الخالي معا العارض معا نجدي = وسكنا رملة الدهنا مع الصمان يا اخواني
وشربنا من الحسا ماها قراحن من قعر عدي = بحد السيف في يمنى نشاما يوم الاكواني
فلا يالله يارحمن ياربي لك الحمدي = امانٍ في ذرى الله خالق الانسان والجاني
ومن بعد الاله اللي حفظنا عالم السدي = في ظل ابو متعب ملكنا عقب سلطاني
فلا يالله باسئلك الهدى بعد الهدى رشدى = وبأسئلك العفو والعافيه يارب رحماني
سلام الله سلام الله على من هم نسل جدي = سلام الله على يام ابن يصبا ترث همداني
وختم القيل مني عد ما قد حن من رعدي = صلاة الله على طه النبي من نسل عدناني

كفووووووو يامحمد قول وفعل ولاهنت على القصيدة الجزلة الي تركز شعر راسي منها.

ترى اليامي لفعل الطايلـه ياسامعـي مـودي=جرى حب الشكاله في دمه في وسط شريانـي
من اصله والف الشيمه وفصله طايـل المـدي=ومن ساسه نقي وافي وفي راسه كما العانـي
شجاعن في الوغى فارس ترى ياويل من ضدي=شهاده ختمها تركـي تحـت توقيـع راكانـي

الله الله

لاهنت يامحمد وصح لسانك على القصيدة الجزلة

والله يعطيك العافية