أشهد إنه صادق..
الشاعر الكبير / محمد الفوزان
أصبر على ماجاك من وقتك اللاش = واستو على الشدات راعي عزايم وأخف الضرر ليّاك تبديه للواش = يشناك عند الناس قاعد وقايم واللي يتيه بقوته بالندم داش = والا الوقاعه ما وراها ندايم والمرجله لو هي على الهون تنحاش = حاشو لها حتى العفون الخمايم وإيّاك لا تدعي قصّي وفتـّاش = على عيوب الناس وابك التهايم ومن الردي ما تكسب الدر واقماش = اترك امّـاشاته وكن عنه شايم وارع الصديق اللي الى صابك ادهاش = خوف لقيته من مصابك امسايم والا العدو لو سالمك ساعه هاش = عليك مايبرح يدور الولايم واعرف ترى رجل بلا مال ما ناش = غايات مطلوبه وما كان رايم يلعبـّه الهوجاس وان قاس ما قاش = داوى ابحر ما لحده علايم وارفق على المال الذي منه تعتاش = خله عن العازات يغنيك دايم وصحبات بعض الناس لو جات ببلاش = ما تنبغى لا خير فيها ندايم بالك يغرونك تراهم على ماش = ما يفهمون العلم مثل البهايم اقول من يصبر على الضيم لا عاش = كب الذي تقضي حياته هضايم اختر مقام العز لو كنت قرّاش = ولا غنات اللي بها الذل دايم هذا زمان جازبه كل غشاش = او واحد نمـّام راعي نمايم كم واحد تلقاه بالوجه بشـّاش = ولا هوب لا جا الصدق راعي لزايم يقول مثلي للكرم ما حد حاش = وهو بخيل ما يفطر بصايم من جا بلا دعوة فيقعد بلا فراش = هذا الطفيلي يستحق الشتايم ولا واعلى من يطرش اليوم مطراش = كلاّ ولا ودي بجمع الغنايم ما قصدي الا بالتفرج عن الجاش = من شي لجابه من امور عظايم وصلاة ربي ما جرى السيل بدشاش = على نبي ظللته الغمايم منقوووووول... |
واعرف ترى رجـل بـلا مـال مـا نـاش
غـايــات مطـلـوبـه ومـــا كـــان رايـــم عز الله إنه صدق أبيات جزله من شاعر جزل لا هنت يا هادي على النقل |
أبيات جزله من شاعر جزل
لا هنت يا هادي على النقل تحياتي لك ابو فيصل |
اقتباس:
ولا أنت يالغالي ،شرفني مرورك ومشاركتك. أخوك / هادي. |
اقتباس:
ولا أنت يالغالي، ولك أحلى تحية. أخوك / هادي. |
الوقت في المنتدى حسب توقيت جرينتش +3 الساعة الآن 08:14 PM . |
مجالس العجمان الرسمي