الصاحب الطيب أليـا صـد اناديـه=بالصوت كله ليـن يسمـع منـاداي
وان كان جاوبني عسـى الله يحييـه=اقوم له حشمه واحـط الـه مركـاي
وان كانه اوحى الصوت ما قال لبيـه=كنه يقول انـه يبـى اليـوم فرقـاي
اقفي مثل ما اقفـى ولانـي براجيـه=من باعني وشلون اصير اله شـراي
خلـه علـى كيفـه وعقلـه يقديـه=يبى يحصل من يوافـق لـه الـراي
وحقه عليه كـل مـا حـل طاريـه=ذكره بخير ولا افرح اعداه واعـداي
لو كان يبقى الجرح ما احد(ن) يداويه=اصبر ولا اشكـي غيـر لله مـولاي
ولا خاب من يرفـع يدينـه لواليـه=وانا لغير الله مـا ابديـت شكـواي
وختامها درس(ن) زمانـي عطانيـه=منه استفيد ان عشت في وقتي الجاي

المشاركة الأصلية كتبت بواسطة king الوادي king (المشاركة 1177757) الله الله صح لسان شاعرها وناقلها وتسلم يمينش ياعزوتي دوسريه وننتظر الجديد