ماني بحب السياسة في بيوت القصيد=ولاقد تناولتها واذعها منبري
واللي يحب السياسة ماهو ابمستفيد=غير الغثا والتعب والضغط والسكري
لكن لاصارت الأريا(حرار وعبيد)=في دفتري راي حر.. ايعبره دفتري
يرسل على الفاكس ولاعن طريق البريد=رايي لـ(مهدي)وابي قصيدتي تنقري
ديمقراطية وحرية ابدون قيد=في كوكب الأرض ماهو كوكب المشتري
في دارأخو مريم ابحكامنا نستزيد=فينا المواطن ثري.. لو كان ماهو ثري
لكن ورا العلم الأول جد علم جديد=وعصر الحضارات والتجديد يجري جري
كل الدول قربت من عقب ماهي بعيد=وحنا على دربنا ما غير نرجع قري
والمجلس اللي لو يؤدي أداه بليد=خلى المواطن يجن وصاب راسه فري
النار يا مجلس الأمة طفت بالجليد=لو نحتري خير؟ مابه خير.. لونحتري
حتى الزيادات تنقص عقب ماهي تزيد=كله من المفتري.. والله على المفتري
ضاعت كبار الهقاوي في كثير الوعيد=من يوم شفنا الكرامة والذمم تنشري
فجأة.. تسألت يا وين الوليده وليد؟=أنا أشهد أنه من اهموم المواطن بري
اللي على هقوة الهاقي.. وشيك الرصيد=واللي لاطرّوا مواقف طيبه ينطري
هذاك حر يصيد اللي ماغيره يصيد=وذيب بيسري لو ان الليل ماينسري
بقول كلمه وابختم باختصار مفيد=لحد يفسر كلامي: (عجمي وعنصري)
إن كان من مجلس الأمة فقدنا فقيد؟=عزالله أنك فقيده يا وليد الجري