( ( *** نـظــــــرة عـيـــــــــونـك *** ) )
قصيده غاليه علي اهديها الى من هم اغلى منها الى اعضاء هذا الكيان الشامخ والصرح المتعمق في جذورنا
يانور قلبي لاصبح النور محجـوب=شفني لي سنيـن الحيـاه احتريهـا صحيح انا ماني على الحب مغصوب=بس الحيـاه ابغـى معـاك اهتنيهـا ابـي تذوبنـي واذوبـك وتــذوب=اذا فتحـت دنيـاك لـيـه يديـهـا ابي لقربك يلمـس الثـوب بالثـوب=اليـن روحـي بالغـلا تحتويـهـا لاجات صدر بصدر قالب ومقلـوب=حتى العروق اليا ضمـت نرتويهـا مرات انا احبك ومـرات محبـوب=وهذي بسيطـه تمشـي وماعليهـا ومرات انا الغالب ومرات مغلـوب=وهذي هي اللـي لعنبوهـا ماابيهـا يصير شرك شـر وذنوبـك ذنـوب=تغفى على صدري ورحـي تجيهـا الله عطاك احساس جذاب واسلـوب=كـن الرومنسيـه تبيـك وتبيـهـا ماشفت مثلك شرق وشمال وجنـوب=لـو للملامـح حــد ماتنتهيـهـا وقفتك منها اخاف واصير مرهـوب=حتى لو ان لـي كلمتـي واحتميهـا شجاع بس ان شفتك اصير مرعوب=معـك الشجاعـه لقمـةٍ مااشتهيهـا اللي بقوله عن غرامـك او انـوب=عن كـل غاياتـي بعـد مااحتفيهـا اتوب كيف اتوب وشلـون ابتـوب=وانـت البـراءه بالفضـا تمتليهـا اللي بقوله صدق لي حـق مسلـوب=من يوم شفت شفـاك واللـي تليهـا من يوم شفتك صرت فنجال مشروب=حالـه غريبـه ربنـا مصطفيـهـا دروب تسعدنـي وتشقيـنـي دروب=رحلـة ضيـاع وتونـي مبتديـهـا كله سبب كوبين كوب وهنـا كـوب=هي والله اللي عقبهـا رحـت فيهـا ودام الوصل بالحب للحب مطلـوب=ولازم بعـد صهواتنـا نمتطيـهـا يـاذوق يامزيـون ياكـل رعبـوب=ارحم خيـار النـاس قبـل تغزيهـا وان كنت صامل تغزي قلوب وقلوب=خذها نصيحه قبـل تنـوي تجيهـا لاتحمل سيوفك ليا جاتـك حـروب=عيونـك سلاحـك وخلـك عليهـا ( نظرة عيونك ) تنهك بلاد وشعوب=ماتدري انـك تذبـح النـاس فيهـا وسلامتكم تقبلو خالص تحياتي وتقديري اخوكم / اخو نوره |
صح السانك يااحمد
ماعاد به حل؟ |
صح بدنك ( ماعاد به حل )
مرور مااعدمه تقبل خالص تحياتي وتقديري اخوك / احمد الحربي |
صح الله لسانك يـ احمد الحربي
قصيدة جزلة وحضور أجزل ولأيستغرب وسلمت يمناك يــ الحربي وتقبل سلامي واشواقي الخويطري |
صح ألسانك / احمد الحربي
ولاهنت علي القصيدة الرائعه والله يعطيك العافية تقبال تحياتي .... |
الخويطري
صح بدنك الف الف شكر على المرور تقبل خالص تحياتي وتقديري اخوك / احمد الحربي |
( نقطة تلاقي ) صح بدنك الف شكر على المرور لك خالص تحياتي وتقديري اخوك / احمد الحربي |
الاخ الشاعر
احمد الحربي صح لسانك ولا هنت يالغالي على هذه الرائعه تحياتي لك |
ماشفت مثلك شرق وشمال وجنوب= لـو للملامـح حــد ماتنتهيـهـا
وقفتك منها اخاف واصير مرهـوب= حتى لو ان لي كلمتـي واحتميهـا الله هالله :) صح لسانك .. ولاهنت :) |
الوقت في المنتدى حسب توقيت جرينتش +3 الساعة الآن 09:43 PM . |
مجالس العجمان الرسمي