السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

..................................
.................................

ذكرتك ورحت اراجع اللي مضـى ويـاك

وعلى جـرة المنكـوس رديـت اغنيهـا

فلا زلت احبك واعشقك وانتظـر لقيـاك

ولا زالـت الاقـدام لجـلـك معنيـهـا

صحيح اعتزلت العشق لكن عجزت انساك

علي الحـرام . العيـن شوفـك يكفيهـا

وانا يوم اشوفك عن حياتي تعـد خطـاك

تحملـت والايــام تمـضـي لياليـهـا

فيا طول ليلي واغترابـي عقـب فرقـاك

ويا ضيقتـن بالصـدر لجلـك مخفيهـا

عطيتك غلا قلبي ولا ابغى يا كود ارضاك

ولا جيت لك والنفس يكفيـك مـا فيهـا

اشوفك ليا مديت شوفـي هنـا وهنـاك

وذكـراك تلزمنـي ولانــي بناسيـهـا

سريت الليالي وانت تدري لجـل لامـاك

ولعيـن اول ايـام المحـبـه وتاليـهـا

تنادي واجيك بسرعة الصوت لين انصاك

وكم ليلتن مـن يـوم صديـت ساريهـا

غشا الكبر راسك لين ما ضيعك واعمـاك

وخـلاك تنسـى ذكرياتـي وماضيـهـا

ترى الصدق . لو انه على ما تقول ابكاك

ما بعت الموده عقب مـا كنـت شاريهـا

شكيتك لنجم الليل من ضيق لو هو جـاك

سهـرت الليالـي والقطاعـه . تنهيهـا

كتبتك قصيده ما قدرت اعزفـك واقـراك

لو ان كان ودي كل ما اشتقـت اغنيهـا

الشاعر القدير/ محمد الشباك

صح الله السانك على هذه الابيات الرائعه ولاعدمناك :)

تحياتي لك وتقديري