![]() |
من اجمل قصائد سعد بن جدلان رحمه الله
لا إلـه إلا القديـر المعطـي الوهــــابي
ا لخضـوع لسلطنتـه وكبريـاه ونوفـه كل ما تحته على وجه التراب .. ترابـي المعـزه والمذلـه مـن رجـاه وخوفـه تب علي وأنت الـودود الغافـر التوابـي وأحمني من كل زلّـه منطـقٍ مزهوفـه في السوالف والقصايد سلبـي وإيجابـي وفي ردود أفعالهـا محمـوده ومأسوفـه والطبايع فـي الأوادم للحيـاة أغرابـي والتصادم في مفاهيـم العـرب مسلوفـه في طرفها المرء لا يسعـد ولا يرتابـي والمنافـع والضررعفويـه ومهـدوفـه يعني ما تحكم على الصادق من الكذابـي من عدم صدق النوى والغاية المكشوفـة أحداً ما يدخل الحسبـان بـأي حسابـي وأحدٍ يؤخـذ كلامـه وصفـةٍ موصوفـه والسهوله للنفوس أقرب مـن الصعّابـي والطبيعية مداهـا أبعـد مـن المزيوفـه طارق أبواب العرب تفتح عليـه أبوابـي من فتح باب الضيافة يكثـرون ضيوفـه وفالنفوس اللي لا تشبع بي ولا تروا بي ليل هقواتي طويل وشمسهـا مكسوفـه كل ما ضنيت ضنـاً فـي كنفهـا غابـي عندها أوهامي ضحاياها ضحايا الكوفـه أحسن أجيها زهابي في ظهـور اركابـي لا تكلفني وهـي عنّـي ماهـي مكلوفـه لأجل ما يسبب قلق فكري وحرق أعصابي وإنشغالي من قوييـن الدهـر وضعوفـه والوفاء والصـدق للصدّيـق والخطابـي والظفر لإبن الوليـد بعزوتـه وسيوفـه والجناب اللي وداده جهر ماهـو غابـي تصلح ضروف الدهر والا تشين ضروفـه من وجودي يسفهّل .. وينشغل بغيابـي كل منّا غايتـه مـع صاحبـه معروفـه فيه بسطي الأحمديه امتداد إرحابـي والطموح الماجـدي والفطـرة المألوفـه الإنبساط والإنسجـام وقمّـة الإعجابـي والله أن كنّـه يقدمهـا علـي بكفـوفـه تكثر أصحابي علي والا تقـل أصحابـي المهـم مانيـب مرتـاح ليـن أشوفـه |
رد: من اجمل قصائد سعد بن جدلان رحمه الله
قصيدة رائعة رحل شاعرها وبقيت لنا روعة شعره رحمه الله وأسكنه فسيح جناته . . |
الوقت في المنتدى حسب توقيت جرينتش +3 الساعة الآن 06:30 AM . |
مجالس العجمان الرسمي