مجالس العجمان الرسمي

مجالس العجمان الرسمي (http://www.alajman.ws/vb/index.php)
-   " غَـــــيــــــــوم مــــاطِــــــــرة " (http://www.alajman.ws/vb/forumdisplay.php?f=71)
-   -   [ شذى الجوري ] (http://www.alajman.ws/vb/showthread.php?t=33206)

خالد وبس 07-07-2008 02:18 PM

[ شذى الجوري ]
 
السلام عليكم


مساء / صباح .. الخير والنوّير !






الحقيقه اني كنت متردد ، حيال هذا الموضوع ( وهو زاويه خاصه بي )

لــ اسباب شخصيه ، ولــ عدم اهتمامي واقتناعي .. بــ تدوين وحفظ بعض الابيات
الارتجاليه التي كتبتها هنا وهناك في اروقة هذا المنتدى الغالي على قلبي
رغم اعجابي بالفكره من حيث المبدأ !!؟

ولكن بــ تشجيع من بعض الاعضاء وبــ مطالبه من ناس غالين علي جداً
ها أنا .. اعلن افتتاح هذا القسم ( الخاص جداً بي ) !

لــ تدوين ابياتي المتواضعه وحفظها ..
ولــ سهولة الوصول اليها لـ من اراد ذلك !؟




ملاحظه هامه جداً :-

جميع الابيات من ابداعي الخاص .. ولا يوجد في هذا الموضوع
اي ابيات مختاره لــ شعراء آخرين !؟



× ارجو من الله .. ان ارتقي بــ ذائقة كل من مرّ من هنا !؟ ×






خالد وبس 1bh1

خالد وبس 07-07-2008 02:24 PM

رد: شذى الجــوري ( لــ خالد وبس ) !؟
 
ماهوب شرط !؟



ماهوب شرط .. اكون رايق على طول = يمكن تجيني ضيقةٍ .. مالها اسباب
اهم شي .. إعْرف .. وميّز .. وش اقول = وصدقني اني معْك .. مانيب كذاب
طيفك يجي .. ويمر .. ويصول .. ويجول = حتى ولو حنّا .. بعيدين .. واغراب
وان شفت زولك .. قلت ياحي هالزول = وان غبت .. جاني من معاناتي .. اسراب
هذا انت وسط القلب .. محفول مكفول = وغيرك يطق الباب .. ولا افتح الباب!



0015

خالد وبس 07-07-2008 02:27 PM

رد: شذى الجــوري ( لــ خالد وبس ) !؟
 
يسلم راسي !؟



الصمت في بعض المواقـف .. عـزه=يرفعنـي .. ويلغـي فضـول العالـم
ولا صار بعض الهرج مالـه .. مـزه=احيـا مسالـم .. وآتوفّـى .. سالـم
ما اقول انا .. عن ما يدور .. منـزّه=لكـنّ لـي آثـار .. ولــي معـالـم
مثل الجبل .. ما كـل ريـح .. يهـزه=شامخ .. وراسي .. وانسيابي .. ما لم
ايطيح حظي .. قبـل تبـدا .. الفـزه=وان طاح بي .. فدوه .. وراسي سالم!




0015

خالد وبس 07-07-2008 02:29 PM

رد: شذى الجــوري ( لــ خالد وبس ) !؟
 
منت مجبور تقولها الحين .. !؟



مسيت بالخيـر .. والنوّيـر .. والجـوري=يا احب .. واغلا .. واعز .. انسان في بالي
يا مصدر الهامي .. ومجدي .. وجمهـوري=يكفيني انْ .. كنّ مالله حطّـك .. الا .. لـي
ابقى .. وتبقى .. ويبقى نورك .. ونـوري=معي .. لو اني لحالـي .. فالخـلا الخالـي
والله ما انساك .. باحساسي .. وبشعـوري=ما دامني حي .. بحيا لـك .. وتحيـا لـي
وان كان ما قلت .. احبك .. منت مجبـوري=ان مت .. عرّض على قبري .. وقلها لـي!



1bh1

خالد وبس 07-07-2008 02:32 PM

رد: شذى الجــوري ( لــ خالد وبس ) !؟
 
مجرد رأي .. لا اكثر !؟



يا شبيه الريم .. لا تجفل .. ترانـي=ما عشقت الا وانا .. فالعشق صامل
تدري ان احساسي .. ومنطق لساني=لا يماري في غـلاك .. ولا يجامـل
والله انك في خفوقي .. شـيّ ثانـي=في حسن ذوقك .. وفي حسن التعامل
لا تعاني .. لو تشوف انـي اعانـي=انت كامل .. والا انا مانيب كامـل!



والكامل وجه الله

:0015:


خالد وبس 07-07-2008 02:36 PM

رد: شذى الجــوري ( لــ خالد وبس ) !؟
 
آآآه يا قلبي !؟



ليت قلبي ما تزحزح .. عن محلّه = يا مقاويس الضلوع .. ونرفزتها
استفزّ الحزن قلبي .. واستحلّه= ولا بقى فالعين دمعه .. ما بكتها
وان بغيت ارتاح ساعه .. يفتح الله = كيف اريّح .. واتناسى سالفتها
نظرة عيون الهنوف .. المسفهلّه = عقب ما لدّت علي .. وسلهمتها
علّقتني بين عز .. وبين ذلّه = ذلّلتها .. للخفوق .. وعزّزتها
مايطيّب خاطري .. فنجال دلّه = لين احس انّي .. اسفّ من قهوتها
احتوتني .. لين صار الكون كلّه= فص من سلسالها .. اللي فرقبتها!




1bh1

خالد وبس 07-07-2008 02:38 PM

رد: شذى الجــوري ( لــ خالد وبس ) !؟
 
وردة جــوري !؟




نسنسي بــ شويش .. يا نسمة هبوب الطايف
تحت زخات المطــر .. يا زيـن ورد الجــوري


عانقينـي .. وارفعينـي .. لــ الطـويـل النــايف
ودي اناظر .. واشوف الناس .. من منظوري


وانت يا روح المشاعر .. مثل ما انته شايف
انكشفت .. وصرت سبّــة غيبتـي وحضوري


لو عشقتك .. مثل من يعشق .. وعشقه زايف
ما تمنّـيـتــك .. وانا بين ارضـي وجمهــوري


يا كثــر ما اغليــك وآحبــك .. ولكـن خــايف
تستهين .. بقيمة احساسي ونبض شعوري !؟




:0015:

خالد وبس 07-07-2008 02:41 PM

رد: شذى الجــوري ( لــ خالد وبس ) !؟
 
ضمّيت قلبي وعوّرته .. !؟ :cool:



قطعـت نصـف الطريـق .. اللـي يوصّـل لـك
لكنـك ابعـــد علـي .. مـما تصّــورته !؟


مـا فيـه داعـي .. اقصّـر لـك واطــول لـك
غـرامـك من الغـلا والحـب .. طـــوّرته !؟


ما شفـت حتى شمـوخي كيـف .. حـوّل لـك
واخـذت قلبـي .. وضمّيتـه .. وعــــوّرته !؟


الله يسـامح سحـاك اللـي .. يخـــوّل لـك
لغّمـت شـوقي على شـوفك .. وثـــوّرته !؟




:0015:

خالد وبس 07-07-2008 02:46 PM

رد: شذى الجــوري ( لــ خالد وبس ) !؟
 
صدق المشاعر !؟



ياللي لك من الشوق .. ما ينعش الذات = انا فداك .. بضيقتك وانفعالك
حتى لو اني هايمٍ فيك .. بسكات = في ذمتي ما مرّني .. الا خيالك
سويت في قلبي .. دروب ومسارات = وكل الدروب تمرّني .. من خلالك
من كثر ما احتاجك معي .. فالمهمات = حسيت كني .. من ابْنا خوالك
في غيبتك .. ما للملذات .. لذّات = تقول كن الليل .. مظلم وحالك
وفي جيّتك .. عزه .. ومجد .. وطموحات = واحس بالنشوه .. لا عرّض مجالك
اي والله احبك .. واذا تبغي .. اثبات = قلي .. وانا في ذمتي اني .. حلالك!



1bh1

خالد وبس 07-07-2008 02:49 PM

رد: شذى الجــوري ( لــ خالد وبس ) !؟
 
حبيبي ما توقعته .. كذيّا = ليا مني طلبته شي .. عيّا
ابي قربه .. وهو يعنني .. مدري = بعد ما جابه الله .. وتهيّا
مسا البارح فتحت له صدري = ورسمت اسمه على سطح الثريّا
انا وشلون ابا احيا مثل غيري = وحياتي في رجا سمح المحيّا!




:0015:



الوقت في المنتدى حسب توقيت جرينتش +3 الساعة الآن 08:17 PM .

مجالس العجمان الرسمي