مجالس العجمان الرسمي - احيان ودي اطيح من التعب وازري .. وتشيلني عزتي وسلوم جداني

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

احيان ودي اطيح من التعب وازري .. وتشيلني عزتي وسلوم جداني

العذر مكتوب لاصـار الخطـاء مقـري
آسف على ضحكتي وآسف على احزانـي

خطـاي معـذور والا غلطتـي عـذري
و مرارة العذر فـي قلبـي وفـي لسانـي

مدري وش اللي ذكرت وضاق به صدري
مـدري وش اللـي نسيـت ولاتنسـانـي

لبست انا ثـوب لاطولـي ولا قصـري
ياطيبـه القلـب ويـن القلـب ودانــي

سنتين من عمرها مرت ومـن عمـري
سنتيـن احـس الزمـن فيهـا تعـدانـي

سنتين مرت حياتـي مـن ورا ظهـري
والحـب سجنـي ومسجونـي وسجانـي

والشعر مطرود من قلبي ومـن فكـري
سنتين ماني ب انـا مانـي باحـد ثانـي

غنيت للنـاس والدنيـاء علـى خبـري
والشعر فـي دفتـري مغـرور وانسانـي

غنيـت للحـب يـوم عيونهـا تغـري
يـوم الوفـاء والكـلام الطيـب الحانـي

غنيت للدمـع يـوم(ن) البكـى كبـري
واليوم انا اكبر مـن دموعـي وحرمانـي

اليوم ماعاد يمدي اللـي جـرح يبـري
مليـت كثـرت خطايـاهـم وغفـرانـي

مليت انا الشعر مل الشعر مـن شعـري
مليت انـا الحـب مـل الحـب وجدانـي

و لو هي عليه عزيز النفس من صغـري
ماشـاور القلـب فـي كرهـي لعدوانـي

ان رحت ياكثرهم وان جيـت ياكثـري
ضاقت بي عيونهـم لـو كنـت وحدانـي

تعبت وازريت مامليـت مـن صبـري
ليـت الـذي راح منـي كثـر ماجانـي

احيان ودي اطيـح مـن التعـب وازري
و تشيلنـي عزتـي وسـلـوم جـدانـي
منقووووله

مما راقى لي