ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
بسم الله الرحمن الرحيم : أسعد الله أوقاتكم اخواني وأخواتي أعضاء وزوار مجالس قبيلة العجمان الكرام بكل خير : أقدم لكم الليلة شيلة حصرية وتنشر لأول مرة على الشبكة العنكبوتية وهي من ألبوم نجوم http://qmar15.com/up/uploads/images/...fe4941a711.jpg : والقصيدة من كلمات الشاعر الكبير: ضيدان بن قضعان : وأداها المبدع: حامد الحلافي : استماع ممتع للجميع :
يا وجودي كل ما هبّ نسناس الشمال =وجد من حدّه زمانه على اللي ما يبيه :و يا وجودي كل ما أضحيت ثم مال الظلال =لا غفت عيني ولا ذقت شيٍ مشتهيه وجد من قفّى وهو في رجا كلمة تعال =وإلتفت من عقب ما أقفى ولا أحدٍ لدّ فيه ويا عذابي لا دنا الليل من روس الجبال =وانتهى يومٍ من العمر ما عاد أرتجيه وأنتي أبعد من سما الحلم ووصالك محال =يا بعد من هلّ دمعي ضحى الفرقا عليه يا غناتي لا تحسبين دمعي يوم سال =ضعف وإلاّ خوف وإلاّ كذا وإلاّ كذيه والله إني من رجالٍ يضدّون الرجال =لكن الحظّ الردي ساق دمعي كل إبيه والله إني كل ما دار حوليك الجدال =قمت كنّ الموت يشّر على قبري بديه والله إن قد لي وأنا أصد لا جاء لك مجال =صدّة اللي لا تضايق تذكّر قبر إخيه ومن سألني قلت مدري وإذا عاد السؤال =قلت له تكفى سؤالك ترى ما هو وجيه وش تبيني أقول عن من ترى ذبحي حلال؟ =والخطا منها عليّ صرت أحبه وأهتويه عذرها لو ما تعذّر مثل واضرب مثال =واحدٍ ما يعرف الحرّ الأشقر يشتويه وإن رجعنا للتواصيف لله الكمال =لا انتهى ليل المزايين جاتك تبتديه كنّها غفلٍ مع البدو طاويها الحيال =ما يميّز وصفها إلا نبيهٍ من نبيه وآهني اللي وصلها وذاق من الزلال =شربةٍ مع غفلة الناس من فيها لفيه وعزتي للي سواتي عشق ما لا يطال=ويوم طاله ضيّع الحلم بين أمه وإبيه يا أول أحلام الطفولة على حدّ الخيال =الرجا باللي حمى البيت من حملة بريه حال دونك سيف عنتر وتاسع حول حال =بأثر حولٍ حال دونك وأنا أدعي هيه هيه هيه ياللي غرّك الحسن وأطغاك الجمال =والله إن أموت ما شفت لأوصافك شبيه لو يسام الحسن والتيه بجنيه وريال =ما بقى في سوق غيرك ريال ولا جنيه كيف أهدّك للمقادير وأنتي راس مال؟ =راس مال ومال والمال ما يعطى السفيه حافظك حفظي لعيني ورمشي لك جلال =وأنتي تشحّين بالما وأنا شفّي مويه شايفٍ ظلمك وساكت وطال الليل طال =لا نويتي طعن قلبي وأنا ما قلت ليه لو بقى للهيل صبرٍ على فوح الدلال =ما بقى للهيل صبرٍعلى شيٍ يجيه كنت أحسب إن الغلا زال وأثره لا يزال = في الحشا ما كنّه إلا دخيلٍ في الوجيه ساقني حبك على الموت وسنيني هزال = والظروف أقسى من الظلم للعرض النزيه وأنتي تسوقين عقلي على حدّ الهبال =تحسبين إن من بغى شي يقدر يشتريه وإلاّ أنا يا وجد حالي وجودٍ ما يقال =وجد من ضحّى بغاليه لرضا والديه ويا وجودي أول العمر قبل ألبس عقال =وجد من باع آخر العمر في رغبة ذويه ويا وجودي كل ما هبّ صوتك من شمال =وجد من حدّه زمانه على اللي ما يبيه : للتحميل من هنا : تقبلوا تحياتي وتقديري : 1bh11bh11bh1 |
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
قصيده من روائع الشاعر ضيدان بن قضعان والشيله رائعه بصوتهآ وادائهآ القدير /عبدالله آل عامر يعطيك العافيه على الشيله والقصيده الرائعه |
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
الله يعافيش ويسلمش أختي عزوتي دوسريه
: 1bh1 |
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
يعطيك العافية ع الشيلة الرائعه .. صح لساان قايلها ولسانك لا هنت ~
|
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
تسلم يمينك..
إختياراتك راائعة.. لاعدمناك.. |
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
لاهنت يابوسرررراج
ويعطيكــ الف عافيـــــــه اخوووووك ابونايف الوعيلي |
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
لاهنت على النقل المميز
|
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
لاندمتوا والله يعافيكم ويسلمكم
: 1bh1 |
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
تسلم يمينك على الشيلة الرائعه .. صح لساان قايلها ولسانك لا هنت
|
رد: ولأول مرة في النت: يا وجودي كل ما هب نسناس الشمال.. رائعة ابن قضعان كاملة (شيلة)
وجد من قفّى وهو في رجـا كلمـة تعـال=وإلتفت من عقب ما أقفى ولا أحدٍ لدّ فيـه ويا عذابي لا دنا الليل مـن روس الجبـال=وانتهى يومٍ من العمر مـا عـاد أرتجيـه صراحة بيتين لا امل ترديدها و إستماعها صح لسان الامبراطور ,, و لسان الحلافي ,, و لسان ابو سراج ,, تقديري و إحترامي ,, |
الوقت في المنتدى حسب توقيت جرينتش +3 الساعة الآن 12:29 PM . |
مجالس العجمان الرسمي