ذي دارنا اللي مرّها كنه حليب= نشرب حلاويها و حن عمالها
دار ٍ خذيناها غصب ٍ من غير طيب=من سد مارب جدنا عنالها
تكفون يا ( العجمان ) يا سقم الحريب=نوح ( العيينة ) تنتخي برجالها
و من كان ( في مرزوق ) عنها لا يغيب=و عيب ٍ على اللي لا درى ما جالها
ليل ٍ عليها شيب اللي ما يشيب=من مزنة ٍ ضرب الفشق همّالها
تبرق و ترعد وبلها جاله صبيب =منا صنع الكفر حقوق إخيالها
عند ( ابو خالد ) حل محروم الغصيب =لين أكتفى الديان عشر أمثالها
غير لي ( لابة ٍ ) تستاهل النيّ الغصيب =بأفعالها دافي الشحم يعبالها
ليل ٍ يسر القلب طاريّه عجيب =تحت ( أبرق الضيان ) شب أشعالها
يوم ( ابن منصور ) على أكوار النجيب =مثل أرنب ٍ صرت على مدحالها
و ( الهاجري و الخالدي ) راحوا هريب =و جموعهم قفت وزاد و أجفالها
اللي نجا ما زيد راوع للصويب =و تشتت و صار الطقيق أشوا لها
أما ( السبيعي ) قال : هيا يا الحبيب=يا ويش جابني في مناخ اجمالها
مير ما قدر الوالي على عبده يصيب =و ذي عمار ٍ مكتوبت ٍ آجالها
و بعض الجماعة قال دنت يا غريب=لا دفعها الرب ما أحد ٍ حالها
و دور حماده عند ترداي النصيب =يوم الجعيرا زهبت لعوالها
و محرم ( ابن ابجاد ) يبكن بالنحيب= يبكن من بقعا و سو غربالها
و نسوانا صفرن يشوبشها الهديب =و ينومس الخفرات فعل ارجالها
و نمشي و حنا مثل لعابة نصيب=و شربت ازلال ٍ عقب رج احثالها
و العود رد اصباه من عقب المشيب=و تخضر ابها الأوطان عقب امحالها
يا طامع ٍ في دارنا قلبك عطيب =ما نالها اطيب منك كيف تنالها
حنا سكانها لا عوى ذيب ٍ لذيب =لا قربت عقب الكمام ارحالها