مجالس العجمان الرسمي - قبيلة شمر تحتفل بـ"عبدالله عبيان"في حايل على انغام الشعر

قبيلة شمر في منطقة حائل تحتفل في شاعر الانسانية عبدالله عبيان اليامي
قبيلة شمر تحتفل بـ"عبدالله عبيان"في حايل على انغام الشعر

بدعوة من قبيلة شمر قام شاعرنا المحبوب عبدالله عبيان بزيارة لمنطقة حائل وقد اقيم احتفالا كبيرا تقديراللشاعر من قبيلة شمر الكريمة القيت فيه عدد من القصائد الترحيبية ,كما القى شاعرناالمحبوب قصيدة جديدة في قبيلة شمر قال انها نبعت من القلب تقديرا لتاريخ شمر الحافل بالامجاد وحضر الاحتفال كل من الشيخ عارف درزي العردان ,الشيخ راضي بن عياده بن سمير,الشيخ محمد بن بعيجان العلي,الشيخ حاشم بن عطالله الشمري,الشيخ جديع بن عواد لغيصم ,الشيخ حلو بن نهير,الشيخ عمار بن حبيب بن دحيلان,الشيخ الامعط بن عبيدالعردان,الشيخ خلف بن تركي بن سمير,رئيس مركز تربة حائل نسمي محمد السلماني الشمري,نايف بن دهيران الشمري,الدكتور بدر بن عبدالله العردان والدكتور سطام الغريري الشمري ,واثناء الحفل تقدم عدد من شيوخ شمر واعيانها بتقديم عدد من الهداياوتشمل مزرعتين وسيارة جيب وعدد كبير من الابل وحصان من اسطبل الامير سلطان بن محمدبن سعود الكبير ولكن شاعرنا اعتذر عن جميع الهدايا وقال ان التقدير الذي يكنه لتلك القبيلة الكريمة اكبر من اي هدية مؤكدا ان علاقة شمر ويام علاقة ازلية وممتدة.
وسوف انقل لكم بعض المشاهد والقصائد والصورالتي صاحبت تلك الرحلة:
بدأ الحفل بعدد من الكلمات الخطابية ثم توالت القصائدالشعريةحيث القى الشاعر عيادة فرحان السلماني الشمري قصيدة طويلة نورد منها بعضالمقاطع حيث قال :

الشعر تاريخ العرب ماض الازمان
ويبقى مادام الارض فيها حمايـل

وعطر الشعر عبدالله بن عبيـان
الخيـر اللـي للمراجـل وسايـل

يامرحبا بـك عـد ماهـل هتـان
واعداد ما خط القلـم بالرسايـل

باسم الطنايا مرحبا بطير حـوران
ترحيبةٍ غنت بهـا جبـال حايـل

ترحيبةٍ تفـوح عنبـر وريحـان
بقدوم من بقدومـه الهـم زايـل

في مقدمك عم الفرح كل الاوطان
وتباشرت بك ياوفـي الخصايـل

يحق للديرة تضمـك بالاحضـان
لانك تعيـش بهمهـا والملايـل

والطيب مانستغربه من كحيـلان
الطيب طبع جدودكـم والسلايـل

من لابة لا ركبوا الخيل فرسـان
على فعلهم تشهد ظهور الاصايـل

يوم القنا والرمح والسيف والزان
سجلهم التاريخ ضمـن الاوايـل

قبيلة بيـن القبايـل لهـا شـان
عن طيبها انشد جميـع القبايـل

اولاد يام ليا غشـا الجـو دخـان
يرسـون لامـن دخنـن الفتايـل

اهل الضفر يوم المعارك والاكوان
ستر العـذارا ناقضـات الجدايـل

يثنون لامن زغرتن خدر الاعيان
ويردون حوض الموت ورد الثمايل

والله لو الفت فـي يـام ديـوان
اتعب وانا ما احصيت ربع الفعايل

في ذكرهم تمايل الشعـر طربـان
وما الوم شعري بالطرب لو تمايل

في ذكرهم يصير لولـو ومرجـان
وفي ذكرهم مـا للمثايـل مثايـل

وفي ذكرهم بيت الشعر يجي مليان
وفي ذكرهم تصبح علومه صمايل

وفي ذكرهم يفخر وفي ذكرهم زان
وفي ذكرهم يرقا على كـل طايـل

لانهـم للجـود والمجـد عنـوان
ولانهم اهـل والوفـا والجمايـل

ولانهم للي شكى الضيـم مزبـان
وغير المعالي ما رضوا بالبدايـل

من سال يعطونه سواله بالاحسان
ومن عال يورونه نجوم القوايـل

مروين من دم العدا حـد شامـان
سقم المعـادي مرمليـن الحلايـل

النعم كايد بس من صعبهـم هـان
والنعم ماياتـي بنصـب وتحايـل

الا بطيـب وطيبهـم للمـلا بـان
وامثالهـم بيـن القبايـل قلايـل

ولاهي لباقي النـاس ذمٍ وحقـران
الكل دون العاني ان جـاه عايـل

وختامها صلوا على نسل عدنـان
شفيعنا يـوم الحشـر والهوايـل

بعد ذلك القى الشاعر حمودمحمد السلماني الشمري قصيدة طويله جاء فيها:

بديت باسم اللي خلق كـل الابشـار
رب الملا الخلاق مغنـي المفاقيـر

اللي كفل خلقه علـى كـل الاقطـار
خالق سماه وكور الشمـس تكويـر

من بعد ذكره جبت من فوق الاسطار
جواهـرٍ مـن در فكـري مباكيـر

نقيتهن نقـوة هـل الـذود لبكـار
مثل الذهب قطف بعـذب النواويـر

بين الخلايـا كلمـة السـر بشـار
في رمزها الناري بالابهـام تاشيـر

واعلنتها بجهار مـع بـث الاقمـار
ويصور المعنى بالاقمـار تصويـر

وابمدح الطيب خلايف هـل الكـار
اللي برز بالطيب وافـي الاشابيـر

عبـدالله عبيـان للطيـب مقـدار
خذا بها اليامـي شهـاده وتقديـر

لا جا مجاله صـار للشعـر معبـار
ولا قالوا اسمه نوّرالشعـر تنويـر

خذا بها اليامي تميـز مـع إشعـار
وكل القبايل لـه تسـوق التباشيـر

وربعه دروع الطيب في كل الادوار
لهم قنـاة تحـرر الفعـل تحريـر

افعالهم بالمجـد والطيـب مـدرار
قبيلـة لا مـا تهـاب المخاسـيـر

عنوانهم بـدرٍ علـى كـل الاقمـار
وتاريخهم مابـه جهالـه وتزويـر

يوم الفعايل نطح من فوق الامهـار
معارك يشبع بهـا الذيـب والطيـر

تمشي زعامة يـام ماتطفـي النـار
خيالهـم ينطـح حمـاة المظاهيـر

وعبدالله عبيان مع طيـب الاذكـار
نجم بـرز وينـور الـدار تنويـر

مع طيب قلبه طيب الذكـر يختـار
وغرف بدلوه نبع من جمـة البيـر

رجل يحب الطيب فـي كـل الادوار
زعيم قوم ويعطي الـراي ويشيـر

وحبيت ابين له مـع الـود مقـدار
الشمري يكتـب بالامثـال تقريـر

وطيبه قرار وبث مع كـل الاخبـار
ويستاهلـه مابـه علينـا معاذيـر

وارجو السموحه ياخلايف هل الكار
ان صار بالامثال نقـص وتقصيـر

وصلاة ربي عـد عـود بالاشجـار
على الرسول اعداد نبت النواويـر

والقى الشاعر خلف سالم الشمري قصيدة اخرى قالفيها:

سميت باللـي يامـر الغيـث للبيـد
يسقي من الكوثر تراب الصحـاري

يامر على المنشى مزون ٍ رواعيـد
تودع محيـلات المصامـد خبـاري

اجبرني الدافع وحضرت مـا اريـد
ونقيت بالماجود حسـب اختيـاري

اببدي الواجـب سـواة القواصيـد
لو ان ما انا من الفحـول الكبـاري

بنات فكري عقب ماهـن شواريـد
تراجعن والشـرد راجـن جبـاري

اذابهـن فكـري سـواة الكلوريـد
قطعة جليدٍ فـوق مصـدر حـراري

حداهـن الدافـع وخـرّن سواجيـد
يشدن مواري سرب جول الحبـاري

منتوجهن يقرا على الطرس ومفيـد
ترحيب خصص في بعيـد الديـاري

هلا عدد ما رحّبـت بالحيـا البيـد
وما سيق في جرد السهال الخضاري

يامرحبـا حييـت مليـون وتـزيـد
ترحيبـة الممحـل بذكـر الخبـاري

بالشاعر اليامـي هـلا بـه تراديـد
للي لنا من صـوب نجـران زاري

هـلا وساعـة تيتـك تعتبـر عيـد
ومن ابـرك الايـام هـذا النهـاري

وانا اشكرك على الوفـا بالمواعيـد
وتلباك للدعوه مـن ابـو مشـاري

هلا عدد ما يوضـع البـار بالغيـد
واعداد طـلات النجـوم السـواري

ويـردده حفـل السلاميـن ترديـد
باسم الامير الشيخ راضـي جهـاري

وانا اشكرك يالليث نسـل الاجاويـد
في وقفتك معنـا بحـق الشـراري

نرفع لك البيضا على نابـي الحيـد
بسم الطنايا بيـن مـدن وبـراري

والعمـر يفنـى والفعايـل شواهيـد
وتبقى علومـه بالمجالـس تـداري

ورجلٍ معه قدره وينخـى ولا يفيـد
بكـرم بحسـه لابسـات الخـزاري

ماعمر فرخ الحمّـره هـد بالصيـد
ولا عمر صبخى القاع تنبت خضاري

اشفق على مدح الرجـال الصناديـد
ولا اجامل العفن الخبيث السمـاري

وعبدالله عبيان من عقـب صنديـد
حـرٍ يجـوّد مخلـبـه بالخـيـاري

اولاد يـام ليـا التقـوا بالبواريـد
خيالهـم لا غـار تقـل انتـحـاري

عدوكـم مـاذاق نـوم الرواقـيـد
يدرا غضبكـم يالسبـاع الضـواري

وصديقهم يلحق مرامه ومـا يريـد
يجلس بمجلاس الشيـوخ الكبـاري

ولـو بعـد افعولهـم مقـدر اكيـد
ويضيع وقـت المنتظـر بانتظـاري

وختامهـا لمبـداه مثبـت وتوكيـد
ترحيب باليامي وضمـن اعتـذاري

ولا قلته اعرضـه لـراي النواقيـد
ومن يزعم انـه ناقـدٍ واستشـاري

وصلوا على اللي منهجه حق ومفيد
الهادي اللي عـن جهنـم مجـاري

بعد ذلك القى الشاعر مرضي الاقعم الشلاقي الشمري قصيدةطويله جاء فيها:

الضيف قدره عند الاجواد الاكرام
وحنـا نفـرش لـه حريـر وزلا

معي ياشمر رحب في صبي يـام
ترحيبة مـن خاطـرٍ مـا يمـلا

عبدالله عبيان له عندنـا وسـام
ورايتـه بيضـا بالرفاعـه تفـلا

على الشعور وما فعل عبر الاعلام
وسيوفنا مـع كـل طيـب بسـلا

نعم بيام اعموم وافيـن وشهـام
كم واحـد للطيـب بهـم استـدلا

بعد ذلك صعد الشاعر عبدالله عبيان على المنبر وعبر عنسعادته بزيارة حايل وشكر شيوخ واعيان وابناء قبيلة شمر على حفاوتهم وقال :حب قبيلةشمر لم يأت من فراغ بل جاء نتيجة لما تتميز به تلك القبيلة الكريمة من شهامة وصدقومواقف بطولية سجلها التاريخ بالذهب واكد ان الشعر لا يمكن ان يفي بما في الصدور منمعزة وتقدير ثم القى قصيدة بعنوان "غلا شمر" قال فيها:

لعل الوسم يمطر علـى ديـرة الوافيـن
واشوف البروق تلوح والقاع ممطـوره

ديارٍِ غلاها له بوسط الضلـوع سنيـن
ينادي وعشب فياضها فاحـت زهـوره

وانا جيت اجدد حب راكان بـن حثليـن
لاهل سربةٍ بالخيل والطيـب مشهـوره

سرى يطوي فجوج الخلا والعرب ممسين
يسوقه غلا شمر وتقديـر اخـو نـوره

عسى الله يلوم اللي يلومه ليـوم الديـن
ما دام القلوب بحب الابطـال مفطـوره

قرينا تواريـخ العـرب والعلـوم تبيـن
وكم بارقٍ ليل الدجى مـا حجـب نـوره

على العز يسري والحقايق تسر العيـن
مثل لمعة سيـوفٍ بالامجـاد مشهـوره

من فعولها ذكر الطنايـا يهـز الصيـن
ونهار الشدايد لا اعتزوا زعزعوا سوره

سلامي عليهم في العسر واليسر والليـن
اقوله وانا روحي على الوصل مسـروره

هداياشمر :

وفي نهاية الحفل توالت الهدايا التي اعتذر عنها شاعرنا مؤكدا ان مافي الصدور ابلغ من العطايا والمال واليكم بعض من تلك الهدايا واسماء من اهدوها:
*مزرعه في حايل من الشيخ محمد بعيجان العلي
*مزرعة نخيل ومنزل بمنطقة الحفير مقدمة من غزاي رميح السلماني الشمري
*حصان من اصطبل الامير سلطان بن محمد بن سعود الكبير+بكره مقدمه من حمدان خلف الذرفي الشمري
*سياره جيب Gxrمقدمه من الامعط عبيد العردان الشمري
*جمل حر مقدم من خرصان زامل السلماني الشمري
*خمس نياق وضح من مزايين ابل شمر مقدمه من جازي الشيشي الاسلمي الشمري
*فحل اوضح مقدم من فنخور حسن السلماني الشمري
*بكره مقدمه من عافت دبشي السلماني الشمري

جوله في حايل وضواحيها:

تجول عبدالله في منطقة حايلوكان يرافقه الاستاذ ممدوح سنيد الشمري مدير متوسطة وثانوية تربة حايل وكذلك عامربن عجيم اليامي ومحمد بن عبيان اليامي

الكاتب / فهد المستنير