انا ينتابني احساس وشعور بقلق واحباط=وانا يالله دخيلك من قلق يدعو للاحباطي
وليفي سلم راسك والبقاطه شغلة البقاط=وانا مانيب بقوط ولاعلي من كل بقاطي
ليامني بغيت اضحك معاك شوي لاتشتاط=سوالفك الجميله تشبه الجلسه على الشاطي
عليك الله واكبر من تموز الاولي لشباط= تمغط والغلا في خاطر ابن الذيب مغاطي
يابورمشن خبطني من قريب خبطة المخباط=ونبط ضربته في اقصى الضمير الحي نباطي
على شان الهواوي والفراق القاز والمشخاط=لو ان قلب الهواوي يشتعل من دون مشخاطي
ليامن قلت احبك من حدود الحرص للافراط= تلفت لي تلفات الكبر وتقول خراطي
وانا ياجعل ربي مايوفقني مانيب بخراط=غرامك في ضميري كنه الاجمرة ارهاطي
يااروع من كتابة شكسبير وفلسفة سقراط =غلطت او ماغلطت اللي سواتك يدمح اغلاطي
ولو تقبض علي شرطة دبي بنادي الظباط= ترى القلب ادمنك وانت السبب لاصار متعاطي