قوم ياصاحبي ضيدان جر اللحون = واعتبر كل واحد نجدتة من يده
تحسبنك علي في كل ساعة تمون = لين شفت السماء برقة يدف رعده
منتك في الشحم ولا على الميكرفون = من عميل ليا وعد يجي فوعده
آل عرجا من ادنى شي مايزعلون = غير لازعلتهم ظفرين ومقرده
آل عرجا كفو لكن لايبلشون = بحرنا لالتطم موجه يعوم زبده
مير بلغ قبايل يام ولا تهون = راح بوش الابو والطق عند ولده
بعد دار الهوى الغربي وادرنا العيون = كل مازل عيد يجيك عيد بعده
ياوساع الصدور وياكبار البطون = علمو حلف اوسلو لايجيب جهده
كثرت نعام ربي وامتلن الصحون = ارفع ايدك لوجهه واشكره واحمده
ناس ماياكلون وناس مايشبعون = وناس عن طرقة العساس ماتنشده
شدد الحرف ولا سكنه بالسكون = التلاميذ ياسلطان متعوده
مثل ماعاشت الجما مع ام القرون = شطر بيتٍ ماعيده لو تقولي عده
قلت ابا اسألك والجمهور لايسمعون = قال خل السؤال شي على حده
لاتضيع العلوم ولا تخيب الظنون = من هو اللي يحر البحر ويبرده
اتصل بي بعد بكره على التيلفون = وخذ منا بدال الجيده جيده
ياهواجر ترى لاهم ولا يحزنون = ابن وسام يقصد شي مانقصده