ما من سلامات
ياصاحبي قلبي جروحه عطيبه= وانت السبب ياجارح القلب بسكات
حبك عذاب وترك حبك مصيبه= يعني على الوضعين ما من سلامات أما تحفــظ القلـب والا تجـيـبـه= والا يقال فلان من صاحبه مات أخاف تخلفـك الليال الرهيبــه= مابه على سود الليالي ضمانات بلاش أعاني معك وادفع ضريبه= يكفي جروح وغربله وامتحانات الظلـم ظلمـاء والقيامـه قريبــه= والله على الظالم شديد العقوبات واذا انت سامعبي نميمه وغيبه= أهل النمايم هرجهم ماله إثبات أهل المعاصي والوجيه الكئيبه= بين الحبايب ينشرون الإشاعات كم فرقوا بين الحبيب وحبيبه= وكم سددوا لقلوب الأخيار طعنات وياصاحبي منك القطاعه غريبه= وين العهود اللي من اول وثيقات ماكان عندي فيك شكــه وريبـه= حتى بدالي في تعاملك شكات وان كان باقي في مشاعرك طيبه= هذي مشاعر واعتبرها إنتقادات انته جرحــت القلب وانته طبيبــه= وانت الذي عطيت ما قلت لك هات عبدالعزيز الحربي - (الثابتي) . |
رد: ما من سلامات
ص
ح السانك ولا هنت |
رد: ما من سلامات
السلامـ عليكمـ
القصيده منهي له .. !! البيت هذا مشهور .. !!
حبك عذاب وترك حبك مصيبه = يعني على الوضعين ما من سلامات
|
رد: ما من سلامات
الأخوان/
الطويق بو عبدالرحمن صحة ابدانكم والقصيدة لي يابو عبدالرحمن أنا طال عمرك (عبدالعزيزالحربي) صاحب القصيدة . |
رد: ما من سلامات
|
رد: ما من سلامات
الأخ/ وافي بن وافي
صح بدنك |
رد: ما من سلامات
اقتباس:
ويشرفنا تواجدك معنا : 1bh1 |
رد: ما من سلامات
ماعليك زود يابو عبدالرحمن
وانا أتشرف بتواجدي في هذا الصرح الشامخ (منتدى العجمان) |
رد: ما من سلامات
الله الله
وياصاحبي منك القطاعه غريبه= وين العهود اللي من اول وثيقات
صح السانك يالـــثابتي والله يحيك |
رد: ما من سلامات
اقتباس:
شرفني مرورك الكريم تقبل تحياتي وتقديري |
الوقت في المنتدى حسب توقيت جرينتش +3 الساعة الآن 02:30 PM . |
مجالس العجمان الرسمي