انا بخير وانت ياجعلك ابخير
وجعل الليالي المقبله لك فوايد
انا على خبرك حياتي كما الطير
من فضل ربي كل يوم بزايد
الخير كل الخير بمواصل السير
في طاعه المعبود نرجي الزوايد
اِغبط هل الطاعه وخلك عن الغير
واجمع لدار الخلد والكل عايد
ياصاحبي رزقك على رازق الطير
لاشالت اسيوفٍ ولاله رعايد
واحذر هوا نفسك تراها مناشير
اتقطع ادروبك وجمعك بدايد
رفقه رفيق السوا تجيب المخاسير
واتحدر ادروبك لدرب الشدايد
ومن رافق الطيب يدله على الخير
يسلم من الغيبه وقرب النقايد
-----
ابو عساف
1/7/1436