مجالس العجمان الرسمي - قصة يا ذيب ياللي تالي الليل

السلام عليكم ورحمة الله وبركاته

فيها من الحكمه والقصيد الشىءالطيب

اليكم القصه:

القصه تقول انه حصل خلاف بين قبيلتين
والمشكله كانت مشكلة البنت في هذه القصه
لان الخلاف بين اخوتها وزوجها
قرر اخوان البنت ان يأخذو اختهم من زوجها
الزوجه والزوج كانو يحبون بعض ولا يريدون الانفصال لكن تدرون
وقت العصبيه الرجال ينسى نفسه المهم راحت البنت مع اخوانها
وزوجها احتار وحاول ان يرسل الواسطات والجاهات لرد زوجته

لكن الاخوان رفضوا رفض قاطع ** فكر الرجل بطريقة عشان يشوف زوجته

فراح حق عجوز يقال انها كانت تبيع القماش للنساء
فقال لها ابيك تروحين لفلانه اللي اهي زوجته وتقولين لها اني ابي اجي اشوفها
وحدد لها وعد والوعد هذا هو
لما الثريا تكون مرتفعه بنص السماء والقمر يغيب راح اجي واعوي 3 عويات
تطلع البنت له عند ضلع قريب من عربهم
المهم نفذو الخطه ونجحت الخطه وصارو يتقابلون في نفس المكان ونفس الطريقه مرات عديده
. الى ان حملت الزوجه لقاء هذه اللقاءات
وبعد مرور وقت ليس بقليل لاحظ احد اخوتها بروز بطنها وشك باخته بانها جلبت لهم العار
فلما سألها قالت له القصه كامله
فلم يصدقها اخوها فحاول قتلها الى ان احد اخوتها منعه وقال ان سوف اتأكد بنفسي من كلامها
تدرون انه فيه خلاف فكيف سيعرف اخوها بالقصه
فقرر ان يتنكر ويدخل الى بيت زوجها وطبعا كان الوقت ليل

وقبل لافي كهرب ولا شي يعني ماراح يعرفون شكله بالظلمه
فلما دخل عليهم اكرمو الضيف كعادة البدو
وكان هناك شخص يجر الربابه عندهم فقال له الضيف ياراعي الرباه عطني ربابتك
فاخذها وانشد

ياذيب ياللي تالي الليل ونيت ** ثلاث ونات قويات وصلاب
انشدك بالله عقبهن وشسويت ** يوم الثريا راوست والقمر غاب

هنا عرف الزوج بان هذا الشخص اخو زوجته وطبعا عرف من الوصف الذي قاله
اللي هو الثريا والقمر و3 عويات
فاخذ الزوج الربابه من الضيف وانشد

انشهد اني عقب جوعي تعشيت ** واخذت شاه العرب من بين الاطناب
على النقى ولا الردى ماتهقويت ** ردو حلالي ياعريبين الانساب
فذهب الرجل الى اهله وعند الصباح اعادو زوجته له وانهو خلافهم
اتمنى ان تكون اعجبتكم القصه