لو فوق صدري وضعوا دله...فوق الضلوع أتشب نيراني
اخواني الاعزاء اقدم لكم هذه القصيدة وهي من القصائد القديمة بالنسبه لي يزيد عمرها عن اثنا عشر سنه اهديها لكم واتمنى ان تحوز على رضاكم ............................................
قالوا علامك تخلف الملّه= بالله قل ياطير حوراني صليت شرق(ن)والعرب قبله= وانته من اهل الدار سكّاني وقلت حالي صابها علّه= علّه لها في الكبد طعّّاني لو فوق صدري وضعوا دلّه= فوق الضلوع اتشب نيراني على وليف(ن)ما خلق مثله= في البيض ماله واحد(ن) ثاني في عينها ياليتني كحلّه= وألا جلاله فوق الأمتاني ابو جديل(ن) لكعب رجله= والزين فيه اشكال والواني الّي عيونه ناعسه نجله= وامبيسمه خاتم سليماني عليه مالي بدفعه كله= والله لو اتزيد الاثماني لكن مالي لو يقدم له= ماجاب لي مريوش الاعياني لو سقت مالي دقّه وجلّه= يزيد بعده لي وهجراني من دونها تسعة عشر علّه= والبعد عنها زاد بحزاني و حضّي الّي لا مشى زله= عن المسير انسي وشيطاني كل(ن) مشى حضّه وانا لله= ومن كثر نومه صار نوماني ان مت قالوا ذابحه خله= حطه لسهم الشوق نيشاني وان عشت جى في سيرنا خلّه= في الحب عنيته وعناني |
صح السانك يانايف ولا هنت
تحياتي |
الله الله لاهنت يالسنافي وصح لسان ابن عرجا
|
صح لسانك يابو محسن
يعطيك العافيه على المشاركه الجزله اخيك محمد الشامري |
صح لسانك يالذيب
ابو محسن يعطيك العافيه ولاهيب غريبه عليك هالقصيد الجزل دمت شاعرا نفخر بوجوده بيننا اخي الكريم لك مودتي |
الاخ الشاعر \ نايف
صح لسانك .. مبدع دائما .. وقصيده اكثر من رائعه .. صح لسانك .. وسلمت بنانك .. تحياتي لك .... وننتظر منك كل جديد يابو محسن |
صح لسانك يا ابومحسن
|
لا هنت يا ابو محسن على القصيدة الرائعة صح لسانك يا السنافي
|
صح السانك ابو محسن :)
|
الاخ الفاضل حبيب / شكرا على المرور والمشاركة
|
الوقت في المنتدى حسب توقيت جرينتش +3 الساعة الآن 04:34 PM . |
مجالس العجمان الرسمي