)).. حبرن على لوح ..((
مرحبااااا مليوووووووووووووون
اخر ابيات كتبتها عسى تنال ع اعجابكم وودي لو اعرف الاخطاء اللي وقعت عليها **حبرن على لوح** كيف تجرحني وأنا ميت جروح!! ليش ترضى بطعنة السكين فيني؟؟ ماسألت وسليت بالعذر والبوح ... وتدري أنك تتوه فيني حنيني ... كيف يرضى قلبك يسلى ويروح؟ كيف؟؟ ويرخصلك ياقلب مافيني.. كل مابي يالغلا لأجلك ينوح.. وتدري قلبي يعيش ميت فيني ... مادريت الحال لو تدري ياروح... جيتني بشوقن عودتني تجيني .. لو تباعدنا أعيش بليلي مذبوح .. ومالنهارالا يودع أيامي وسنيني .. كانك أنت اللي ماضمدلي جروح !! منهو غيرك لاسقط يمد الأيديني؟؟ كيف تكسرني وانت بالجسد والروح ؟ وحال مسكور مابين شمال ويميني .. كيف وانت حبيب قلبي المجروح؟؟ يهون تنزل دموعي يانظر عيني؟!! صدقني مهما فعلت تبقى بالروح.. صدقني وربي شاهد وهذا يقيني.. لو مالغلا بالقلب كان أروٌح وأروْح.. لكن حبك باقين يجري فشرايني.. لاتظن أنساك حبرن على لوح.. وأنت اللذي يرخصلك ماهو ثميني .. كأن فعيونك خيل قياد بسيوح.. والدمع قبل تحبسها تركض تبيني.. من كثر مابكي صوتي العذب مبحوح.. لاطال بعدك إرسل الشوق يحميني.. يمكن اعاتب بس ودي ياروح.. تفهم غلااك اكبر من شوق يحتويني.. ودي تَعَرف اني بهواك مجروح.. لكني معك يطيب الجرح فيني .. مهما تعذبني يااراعي الوجه السموح.. يبقى الغلا دايمن مابينك وبيني.. أحبك بصدق القول وبه لحوح.. ومابغى سواك حبيبن لقلبي وعيني.. تخيل.. كل هذا عتابي يامملوح.. وأنا راضي باللي تسويه فيني.. تعرف انك لاجيتني فداك هالروح.. ولارحت عني أفداك بعمري وسنيني.. وسلامتكم همس الجنون 9 مارس 2007 حقوق الطبع محفوظة السموحه |
رد: )).. حبرن على لوح ..((
تخيل.. كل هذا عتابي يامملوح..
وأنا راضي باللي تسويه فيني.. تعرف انك لاجيتني فداك هالروح.. ولارحت عني أفداك بعمري وسنيني.. الابيات شوي مو موزونه صح لسانك ولا هنتي |
رد: )).. حبرن على لوح ..((
صح بدنك وتسلمين يالغالية غرور
بارك الله فيك ع المرور العسل حبيبتي لاهنتي يالغلااا بس كان ودي اعرف وين بالظبط؟؟ ): السموحه |
رد: )).. حبرن على لوح ..((
صح الله لسانك ولاهنتي
وبداية طيبة وموفقة والى الامام دائما وتقبلي سلامي |
رد: )).. حبرن على لوح ..((
تسلم كثير اخوي سعود الخويطري
هذا من طيب اصللك بارك الله فيك لاهنت جزاك ربي الف خير السموحه |
رد: )).. حبرن على لوح ..((
السلام عليكم ورحمة الله وبركاته
الله يعطيج العافيه اختي وصح الله لسانج بالنسبه للوزن حاولي وانتي تكتبين تدخلين لحن مقبول جديد ولا قديم متماشي مع البيت نفسه واذا حسيتي ان البيت ما مشى مع اللحن بيكون عندج الوزن مختلف وحاولي ترتيب الابيات جميعها بالتدريج من البدايه الى النهايه واختاري لون او وزن بسيط في كل اللي تكتبينه وراح تتطور الكتابه عندج تدريجياً والاهم من هذا كله الفكره الام للقصيده اتمني اني مازليت في شي وهذا اللي موجود عندي والعذر من الجميع |
رد: )).. حبرن على لوح ..((
اقتباس:
صح بدنك اخوي احمد المحفوظي تسلم ع المعلومة الطيبة وانا هذه مشكلتي الوزن بس صرت احاول اوزن عن طريق اللحن وان شاء الله بوزن هالقصيدة وبنزلها مرة ثانية بس عن الترتيب مافهمت عليك اخوي اذا ماعليك امر ممكن توضحلي اكثر لاهنت اخوي ع المرور الطيب بارك الله فيك السموحه |
رد: )).. حبرن على لوح ..((
حاضر و الله يسمح ذنوبج
بالنسبه لترتيب الابيات حاولي تكتبين بالتسلسل يعني كل بيت يتبعه بيت ثاني يكمله الفكره على شكل روايه او قصه او حدث من الواقع او الخيال وبهدف معين عشان المتلقي يفهم ويستوعب المقصود ولو في اقصيده اكثر من فكر تتجمع في نفس التسلسل وما تطلعين من النص الاصلي او الوزن . هذي المره لجنتي الخاصه تجيز القصيده عشان تقدمين الافضل وفالج التوفيق والمليون اسمحيلي على التأخير |
رد: )).. حبرن على لوح ..((
اقتباس:
حاضر و الله يسمح ذنوبج بالنسبه لترتيب الابيات حاولي تكتبين بالتسلسل يعني كل بيت يتبعه بيت ثاني يكمله الفكره على شكل روايه او قصه او حدث من الواقع او الخيال وبهدف معين عشان المتلقي يفهم ويستوعب المقصود ولو في اقصيده اكثر من فكر تتجمع في نفس التسلسل وما تطلعين من النص الاصلي او الوزن . هذي المره لجنتي الخاصه تجيز القصيده عشان تقدمين الافضل وفالج التوفيق والمليون اسمحيلي على التأخير |
رد: )).. حبرن على لوح ..((
تسلم كثير اخوي ع التوضيح الطيب
بحاول اطور من كتاباتي وعسى اوصل لمستويات ارقى تسلم جزاك ربي مليون خير السموحه |
الوقت في المنتدى حسب توقيت جرينتش +3 الساعة الآن 06:36 PM . |
مجالس العجمان الرسمي