الحقيقه عافت النفس الحياه = والحقيقه واقعي صورة ألم
الحقيقه عاشت الليل وضحاه = والحقيقه باتت بليل ٍ وهم
الحقيقه حلمها علم ٍ رجاه = والحقيقه في وجود ٍ كالعدم
الحقيقه ماتبي الستر وغطاه = والحقيقه مستبينه كالعلم
الحقيقه الثرى باعد سماه = والحقيقه وصلهم عبر القمم
الحقيقه البدر باهي سناه = والحقيقه البدر اصله نجم
الحقيقه البحر موجه غلاه = والحقيقه وش نبي بملح ٍ ويم
الحقيقه الامل خان بوفاه = والحقيقه ضيّعت ( ايه ) و ( نعم )
وش يفيد النور في عمق المياه؟ = والسحايب بالسما بيض ودهم
المدينه ضايقتني والفلاه = والنهار اللي تقفّاه العتم
الدقايق كنها سنين الحياه = الاماني طاولتها والندم
في خفوقي منبع ٍ جاد بصفاه = وفي خفوقي كم براكين وحمم
يا رداة الحظ والوجد وعناه = ضيفكم في داخلي ليه انسجم؟
من عطاكم حق؟.. ووقتي من عطاه؟ = في كياني حزتم اوطان وامم
صمتي اللي ردد بجوفي صداه = في عيوني خلّى هالدنيا جَهَم
صمتي ألحانه شدا فيها غناه = ومن وتر قلبي عزف فن ونغم
الله اكبر لا تذكرت النجاه = الله اكبر لاتذكرت الشيَم
الله كبر لاحضر وقت الصلاه = ياصلاتي .. يادعائي .. ثم قيَم
يا إلهى مالي ابدونك غناه = يا ميّسر ابتلائي والنِعَم
جيت لك عبد ٍ وكل هم ٍ ملاه = يشتكي لك من طعون ٍ كالسهم
يا إلهي سيّره فيما تراه = حيرته منها تعلّم ثم فهم
الشكر لك نحمدك رب الثناه = وياصلاتي عالنبي المهدي ختم

وسلاااااااااامتكم

السبت 21/6/2008

5:15 ص

المشاركة الأصلية كتبت بواسطة محمد الغيثاني (المشاركة 658201) لاهنت ميدع كما هيا عاديك لاهنت يالسنافي

المشاركة الأصلية كتبت بواسطة ابونايف الوعيلي (المشاركة 658286) صح لسانك ورفع الله شانك بيض الله وجهك على الاحاسيس الجميــله من خلال القصيدة الرائعه تقبل مروري ابونايف الوعيلي

المشاركة الأصلية كتبت بواسطة الخليفه (المشاركة 659352) صح لسانك يابوبندر الحقيقه أنها قصيدة جزله من شاعر جزل ولاهنت وبارك الله فيك