!! إبــــن مـــفـــلــح !!
سلام عليكم كيف حالكم .. سعدت كثيرا بالترحيب الذي لاقيته عند طرحي لموضوع كم لي الشرف .. ولااني برادها بخاطر رجال معنا في المنتدى .. يبي قصيده ؟ وانا الان بقول قصيده اسمها إبن مفلح :) وهي تتحدث عن نفسها .. ( صــلــو على النــبــي ) يقول
الله العالم اني فرح ببدع الطاروق = والطواريق العسره على المعنى نمشيها والعرب اللي لهم في داخل القلب معلوق = ماشكيت انا بقدري ولايحتاج اوصيها ! والناقه .. اللي سيقت على الجنادريه سوق = انصدع راسها مابين بايعها وشاريها !! عشاان راعيها فلان ؟ اللي لقبوه بالدوق = والله انه مايعرف كراعها من ايديها !! يابروق لاحت توي تفرق عن كل البروق = ليتك تاخذين العلوم جيبيها ووديهاا !! أم الحلا / والزين / فارقه عن الكل بفروق = من زينها ياوالله أستحي اناديها !! يارب أوهبني الجرأه اللي تخليني نطوق = وارتباكات الحكي واجد من يعانيهاا !! يابنت / ياعيون الحر / القطام / الطلق / السبوق = إسمعي مني جمله تراني تاعب فيها !! إليا عرض لش طرياي طالعي للسما فوق = طوحي وقولي (عزااه) وعينش بس (إفركيها ) !! أربني نتاج العشق اللي شلع به الشوق = كن القلوب ذي حفر اطيح بها واخطيها !! وبعض الاصدقا كن حبه منصب صبة الطابوق = عليهم اجمل سلام والتحايا اثنيهاا !! واتصور في ان البعض كن قلبه مخروق = خفيف وكلمته مااحدن يشتريهاا !! والله ان الصدااقه اعذب من الحب من الخلوق = و(كـن صديقي ) أنا مألفها ومغنيهاا !! * وانتي ياللي حبش لي متنااشب مع العروق = لكنه من يوم فرقاش شرهتش مايبغيهاا !! وإن سألنا عن الانساب وإن نشدنا عن العروق = منهو أنا ،؟ وش إسمي ،؟ والقصيده شداعيها!! بقولكم انا من اللي دايم مطاليعهم فوق = ( مفــلــحــيــه ) ،( معــدلــه الاعــوج) بيمانيهاا!! وبديت انا القصيده وغصت في بحر الطاروق = وإسمع آخر حكيي بكحلها وبعميهاا!! ( وإنـا وإليا وثقت على الحبال وثوق = إعــتــزيــت (إبــن مفــلح ) (وبالشرفا وأهاليها ) !! وعساها تنال إعجابكم وتقبلو أجمل تحيّه |
اررررررحب ياالسنافي
وصح لسانك واشهد انها عجبتني |
يسلمو خيو على القصيده الرائعه :)
|
كفو ووالله يابن مفلح
وصح الله لسانـك / بوحك قصيدة رائعة بدون شك ووننتظرك دائما تقبل سلامي واشواقي الخويطري |
تسلم ياشاعر وصح لسانك
|
لا هنت يا السنافي على القصيدة الرائعة والجزلة صح لسانك
|
لاواالله الا اررررررررررحب ياراكان
وابقةةةةةةةةةةةةةةةةة وياالله لاتقطع رزقه صح بدنك واهم شي انها نالت اعجابك تقبل اجمل تحيه وانتظر القااادم بقوووووووووووووه :) |
الله يسلمش يامانامورا
جعلش عمرش طويل ولاهنتي على المرور |
سعود الخويطري
ارحب واالله اني صاادق صح بدنك نفداك وتسلم على الكلام الجميل ومااعليك زود وتقبل اجمل تحيه |
ومن يقول ياابن حفيظ
وصح بدنك ولاهنت على المرور نفداك وتقبل اجمل تحيه |
الوقت في المنتدى حسب توقيت جرينتش +3 الساعة الآن 07:04 AM . |
مجالس العجمان الرسمي