قولوا لمنهو خذا قلبي وقفا به=إني على رجعته صابر ومتأمل

الهنوف اللي تمشّى كل صيف ٍ في اوربّـا=ليتنـي ياليتنـي لعيونهـا (....) اوربـي
من حضوضك يالاروبي كل ما نبّت منبّـا=شافت عيونك جمال اللي سلب عقلي وقلبي
وان لفتكم لا تقولوا ( قود مورش ) قولوا لبّـا=بنت قوم ٍ عودها لا طلبـت كـل ٍ يلبـي

بالي مع مجهولة الوصف مشغول = مدري ولع ولا نزاوات وتروح

لحول يا بعض الطواري ولحول = تهدم قديم صروح وتبني لها صروح

ياللي تجيب علوم وتودي علوم=رد الخبر عنّي ولو شاف من شاف
اسمع بعض ما قيل يا ضايع القوم=ما يصنع الامجاد يا كون الاسلاف
والله لو تجمع لي الفرس والروم=ما صابني خوف ٍ ولا يلحق اخلاف
الا على اللي غرّته نفسه اليوم=من شي لا يغني ولا يسمن ضعاف
قبيلتي من دون نت ٍ ودت كوم=ياللي تحسبنك لها ستر وإلحاف
من دونها شيخ ٍ وفارس وزيزوم=منهم وردت المجد فأيام ٍ عجاف
وخليت لك برطم يلهيك مشروم=انفخ عسى ما بينك وبينه اهداف
والعولمه لوّها على راس مزموم=ما غيركم يا اشراف مكه الاشراف
دنيا توردنا على كل مقسوم=مقسمه باخماس وارباع وانصاف
والحمدلله لا نواقص ولا ثلوم=والراس بأمره ثبتنّه الاكتاف

هبّي علي ّ .. من شرق يا ( نسمة الصبح )=الشرق يحييني هبوبه ليا جا



مبطي منعت العين لا تكثر الشبح=واليوم من منعي عيوني .. عواجا

الحلو والرايق اللي على كبدي سمن=القدر والحب واسبابه اللي ساقته
جا تسابق خطوته سرع دورات الزمن=والدروب الكايده مرّها ما عاقته
ينتظر لحظة لقا لو بها عمره ثمن=والمشاعر في خفوقي توازي طاقته
ارتفع سهم المحبّه بقربه ما طمن=واستقر بين الحنايا ونوّخ ناقته
هو حلو ؟ وانا حلو !! كلنا عسل وسمن=جعلها تبطي ما خربت معي علاقته

ابطيت!! لكنّ بعد أبطيت وش جايب؟=فرشه ,, ولا تهون لوحاتي,, ولا إسمي

يا { روضة خريم } حظي خاثر ورايب=وانا تحريت نبتك من مطر وسمي

والله لو لي مثل ما/إلطارق التايب=(لا كان) بانت مواريها على رسمي

حنيت واثر الحنين أمرّ للغايب=من قولة : ( الله يعينه ما هو بممسي)

ياشين الهموم إن جات لمّه على مركاي=على طاري العشّاق واهل المحنّيه

ماغير اذكر الماضي واقول اشمصير الجاي=عقب ماتقطّع حبل وصل الرمنسيّه

عقب ماطردته قمت ألعّن فعل يمناي=ولاعاد أظنّ انْ له عقب روحته .؟ جيّه

بسنّد عليك اللّي كتبته يا(..........)=عساك إتفهّم حالةٍ غير عاديّه

بقول إلحبيبي قبل لاافارقه بيباي=انا بكره أقلع فالخطوط الكويتيه .!

على جرة اوتار الكمنجا وصوت الناي=تراقص بنات الفكر في ليلة ٍ حيّه

هلا... مرحبا ياقاف ضاوي على مسراي=تراكا معا بندر وعينه شقاويّه

يا بندر وذي رده و ما ينفعك احكاي=ولكن بعد لحّقت غترتْك طاقيّه

عليك الصبر لا تزيد من بلوتك بلواي=تراني على مركاي قد جاتني كيّه

توجّه على كور الفرنجه وذا لك راي=عليك بطرب نفسك وحاجه غنوايّه

توجّه وانا خابركْ يا صاحبي روّاي=ومركاك حنا لا توغلت فالهيّه