|
المحــلا (اطباق رمضــان التراثية ’’4’’)
بسم الله الرحمن الرحيم
السلام عليكم ورحمة الله وبركاته المحــــــــلا او ( عصيــدة التــمر) الأغراض اللازمة : طحين أسمر _ تمر طبعاً نشيل منه ( الفصم .. قصدي النوى ) التمر والطحين نفس المقدار بالوزن .. ماء حار _ أصبع زبده ذايبه _ قليل من الزنجبيل الناعم والملح والفلفل الأسود المطحون و المنخول والهيل المطحون و المنخول الإعداد : بدون زيت أو زبده .. احمسي الطحين بصينية تيفال حتى تشمين ريحته الزينه .. واللي فيه زكام مايشم .. يحمسه إلين يشقر شوي ثم اتركيه يبرد .. وبعدين انقعي التمر بالماء الحار لمدة نصف ساعه ..ثم اخلطيه بالخلاط الكأس .. ( من أول كنا نمرسه مرس .. بس هالحين .. ماشاء الله كل شي تسهّل .. ) بعد ما تطحنين التمر اشخليه علشان كانك ناسيتن شي من الفصم يطلع في المشخالة بعدها تجيبين قدر كبير أو زبدية ثم تحطين فيها عصير التمر اللي أنتي سويتيه ثم تحطين عليه الطحين شوي شوي وتحركينه .. إلين ينتهي المقدار ويصيرسمكه أخف شوي من سمك خليط الكيك .. ثم تضيفين له نصف الزبده والملح والفلفل الأسود والهيل والزنجبيل ولا تنسين تذوقين الطعم علشان تعرفين ضبط الطعم والا لأ .. ثم أحضري القدر اللي تبين تطبخين فيه المحلا وادهنيه بباقي الزبده .. ولا تنسين تدهنين حتى الجوانب .. وصبي المحلا اوالعصيدة فيه ومن المهم جداً جداً إنك ما تحركين الخليط بالملعقة بعد صبه بالقدر علشان ما يلصق بالقدر ويحترق .. بعدها حطيه بالفرن بعد ما تولعينه ، وبعد ما تشوفينه طبخ خلي لنار هادئه .. واتركيه لمدة أربع ساعات من غير ما تحركينه بملعقه .. لكن نسمح لك تفتحين غطا القدر بس للاطمئنان .. وبعدها .. وعند التقديم .. وحسب الرغبة .. رشيه .. بقليل من الزبدة والفلفل الأسود .. http://www.alajman.ws/upctr/files/_78.jpg وعوافي وصحتين :a28: |
رد: المحــلا (اطباق رمضــان التراثية ’’4’’)
لا هنتي وتسلم ايدياتش
:a28: |
رد: المحــلا (اطباق رمضــان التراثية ’’4’’)
(( الغنج ))
وانتِ سالمه شرفني مرورك العطر :a28: |
رد: المحــلا (اطباق رمضــان التراثية ’’4’’)
ياحلوو العصيده اموت على اكلات قبل
بس اتصدقين في ناس يسون العصيده على طماط وملح ..؟ انا استغربت منهم الله يزيد النعمه تصير خبيصه ^_~ الغرووب تسلمين يمال العافيه :21t: |
رد: المحــلا (اطباق رمضــان التراثية ’’4’’)
اقتباس:
القرناسة نورتيني وعوافي على قلبك ( المحلا ) :) اما عصيدة الطماط والملح والله ما قد مرت علي a8 بس الناس اذوواق وكل شئ جايز ويمكن تكون قريبة للمرقوق لكِ ودي :a28: |
رد: المحــلا (اطباق رمضــان التراثية ’’4’’)
● الغرووب ●
اموووت بالعصيده تسلم هالايادي حبيبتي ولكِ جزيل الشكر. :a36: |
رد: المحــلا (اطباق رمضــان التراثية ’’4’’)
شـكــ وبارك الله فيك ـــرا لك ... لك مني أجمل تحية .
|
رد: المحــلا (اطباق رمضــان التراثية ’’4’’)
تســـلمين على مـــاقدمتي
والله يعطيك العافيه:21t: |
رد: المحــلا (اطباق رمضــان التراثية ’’4’’)
يا سلام
الحلووو ما يجيب ألا الحلووووو تسلمين الغالية الغـــــروب وشكرا على المحلا والعصيدة وكل ما تقدمه يدك وتختااااارة ذاااااائقتك ولاهنتي يالغلا دمتي بررررقي .. 1bh1 |
رد: المحــلا (اطباق رمضــان التراثية ’’4’’)
اقتباس:
بالعافيه وهذا اللي يسعدني نورتي الموضوع :a28: |
| الوقت في المنتدى حسب توقيت جرينتش +3 الساعة الآن 10:38 AM . |
مجالس العجمان الرسمي