يامشكك باشعار شقح الأصايل =خذ الكلام اللي نظمته بالأبيات
جاك القصيد يشيل صوت الرسايل= جزل القوافي جبتها غصب بسكات
أسوقها (سلام) وبل المخايل= يستاهله قرم له الطيب عادات
وأسوقها(سم) من الناب سايل =وألدغ بها(هيس)برع بالرديات
حنا بنات رجال نسل الحمايل =نسند عظيم رجال وقت المهمات
حنا(الكواسر) مايبي له دلايل= تاريخنا بالمجد يصدر شهادات
حنا بنات القاف ست المثايل =يجي لنا في حزة الشعر قلطات
قرّب تعال انتَ يابو فكر مايل= وافتل طرف شاربك مرّه ومرات
هات القصيد وهات ماقال قايل =وعزز قصيدك باللحن والإشارات
وخذ المرد من راس(دمعه) هوايل =كنه دوي رعود والسحب زافات
ياويلكم ..إليّا نثرت الجدايل= وسليت(سيف) الشعر روحه وجيات
هو لعبتي هو بلسمي بالغلايل =عندي مخاطرها على النار مركات
أكوي بها خشم على الطيش شايل =اللي يشوف الناس دونه فراشات
هذا كلامي .. واثبته بالفعايل =هرج يعم ولا أقصد الشخص بالذات

المشاركة الأصلية كتبت بواسطة عبدالهادي ال كحله (المشاركة 506598) انا ماشككت !! يامشكك باشعار شقـح الأصايـل خذ الكلام اللي نظمتـه بالأبيـات سلام سلام الشعر ليس حكراً لاحد.... صح السانك دمعه تحيتي

المشاركة الأصلية كتبت بواسطة الملكة (المشاركة 506618) نعم الرد.. .. ووافيه الابيات.. الشعر.. موهبة من الله.. ليست خاصة لجنس او اصل معين.. دمعة وداع.. صح لسانش ولا هنتي..وواصلي الابداعات..

المشاركة الأصلية كتبت بواسطة صالح ال كحله (المشاركة 506628) دمعة صح الله السانش ابدعتي بحق والشعر ليس حكرا على الرجل دون المراءه .. كتبتي فاجدتي ... سجلي متابعتي واعجابي بقصيدتكــ ... كل التقدير