سرى البارق اللـي لـه زمانيـن مـا سـرى( للشاعر الكبير سليمان بن شريم )
قصيدة الشاعر الكبير سليمان بن شريم رحمه الله:
سرى البارق اللـي لـه زمانيـن مـا سـرى= صـدوق المخايـل بارقـه يـجـذب الـسـاري عـلـى فـرعـة الــوادي وسـيـلـه تـحــدرى = وغنـت طيـور المـاء عـلـى الحـايـر الـجـاري مـرابي غـــزال عـقــب عـرفــه تـنـكـرى=عليـه الله أكبـر كـل مــا حــل لــه طــاري بـرى الجـرح منـه ومنـي الجـرح مــا بــرى=وهو يحسب انـه يـوم طـال المـدى بـاري نطحـنـي بـجـز الـثـوب حــدر المـشـجـرى= جمـيـل المحـاسـن لاضـخـيـم ولاعـــاري ابــو لـبـة مـثـل القـمـر ضـــاحي واسـفــرى= والـى غابـت القمـرا تقـدى بــه الـسـاري تـرى سلـبـة العـاتـق الــى صــد مــا درى= كما سلبة العرجـون فـى صفحـة الـذاري صويب الهوى مسكين مشيه على ورا=ترى النقص فيه وحيله اقوى من الضاري بعض معاني الكلمات : المخايل: جمع مخيلة وهي الغيم الاسود الكثيف تحدرى: انحدر نطحني: واجهني حدر: تحت ظخيم: ممتلى العرجون: حوالي السنه لبة: نحر تقدى: استدل صويب: طريح الضاري:المريض برى: تشافى |
لا هنت يا ابو حمد على النقل الرائع
|
الله أكبر يالقصيده عرفت تتختااااااار يابوحمد
|
مرحبا الف بالاخ العزيز ابو جابر على التعقيب ما قصرت يا السنافي
|
مرحبا الف بالاخ العزيز خالد على التعقيب ما قصرت يا السنافي
|
لاهنت يابو حمد على نقل قصيدة ابن شريم
تحياتي لك |
لاهنت يابوحمد على مانقلته وبيض الله وجهك يالذيب
|
مرحبا الف بالاخ العزيز فهد بن محسن لا هنت على التعقيب والكلام الطيب ما قصرت يا السنافي وما عليك زود.
|
مرحبا الف بالاخ العزيزالعوووود لا هنت على التعقيب والكلام الطيب ما قصرت يا السنافي وما عليك زود.
|
الوقت في المنتدى حسب توقيت جرينتش +3 الساعة الآن 01:07 PM . |
مجالس العجمان الرسمي