للشدايد رجال وللمواقف رجال=مرحبا والعرب يا طيب منطوقها
يا المولع تفضل يا كريم السبال=الوسم والسحابه لاحت ابروقها

الحمول الثقيله مالها الا الجمال = البقا والخلايق خابرن ذوقها
ارتفع يالسنافي فوق روس الجبال = والمعاني شريت وبعت في سوقها

خابرين اليمين وخابرين الشمال=والمخاليق مثلك نعرف احقوقها
أنت جاؤبتني من قبل اقول السؤال=الثريّا بنينا برج من فوقها

خل عنك الحرام وروح صوب الحلال = بانت الشمس يارجال بشروقها
يالمعيضي تعال وكب عنك الجدال = خل ذودك معا اللي هملت نوقها

يا عريب النسابه يا عريب الخوال=والجدود العريبه مطيب اعموقها
شدّت ارحالها ما قالت اقبل تعال=ما بقي ألا تسمم روح معشوقها

والله انك كفو للمدح في كل حال = والرجاجيل مثلك بانت فروقها
بيض الله وجهك ياشجيع العوال = والسوالف تحوق اللي يبي حوقها