راح الزعيم اللي يدك الميادين ( مرثيه في الأمير نايف )
السلام عليكم ورحمة الله وبركاته http://www7.0zz0.com/2012/06/18/09/726204781.jpg مرثيه في صاحب السمو الملكي الأمير نايف بن عبدالعزيز آل سعود ولي العهد نائب رئيس مجلس الوزراء وزير الداخليه للشاعر فلاح بن سعيد الشدقاء اليامي
يالله يا جابر قلوب المصابين=تجبر قلوب صابها موت نايف راح الزعيم اللي يدك الميادين=جلاي عسرات الضروف الكلايف عوق الخصيم اللي رفع راية الدين=الين عنّزها بروس النوايف غيث اليتامى والضعوف المساكين=ومروي الكبود الضاميات اللهايف خلد لنا عز من اول وذلحين=في كل حال اعلام عزه رفايف يالله عسى منزله روضة بساتين=خُلد الجنان اللي ثمرها خرايف لو القلوب من الحزن حالها شين=واعياننا منها المدامع ذرايف حن كلنا نايف كعام المعادين=اللي على الافساد صاروا طوايف نلعن ثوا بشار والروس والصين=وايران واللبراليه والقطايف نثبت مع الحكام في العسر واللين=قدام في قدام مابه نكايف اللي على عز الشريعه محامين=وراع الردى منهم على طول خايف مادام حن حيين وافين وافين=وقفة وفاء ماهيب وقفة مزايف |
رد: راح الزعيم اللي يدك الميادين ( مرثيه في الأمير نايف )
الله يرحمه ويجعل مثواه الجنة
وصح لسانك |
رد: راح الزعيم اللي يدك الميادين ( مرثيه في الأمير نايف )
صح لســـانك ألف
والله يرحمه فقيد الامة |
رد: راح الزعيم اللي يدك الميادين ( مرثيه في الأمير نايف )
صح لسانه
وعلا شانه وسلمت يمبنك |
الوقت في المنتدى حسب توقيت جرينتش +3 الساعة الآن 04:25 AM . |
مجالس العجمان الرسمي