قررررب يابندر
السلام عليكم ورحمة الله وبركاته.... تعال يابندر عسى فالك يزين ..... ماودك الليله نسوي شكشكه لازم تصير ابحزب مشراف الخطر ..... واللي عقد روس الحبال يحلها حنا نحب الصدق والرجل الفطين .... بس الصحيح ابعيركم في مبركه وترا السهر للعين يعميها السهر ...... واللي عقد روس الحبال يحلها |
رد: قررررب يابندر
وعليكم السلام ورحمه الله وبركاته ... وأررحب :
جيتك وانا بندر عريب المنسبين .. ياحاذف عمرك بوسط التهلكه .. ونهاية احزابك تراها للقبر = واللي عقد روس الحبال يحلها والصدق منجاة الرجال الصالحين .. ياللي حياتك دربكه في دربكه .. لكن بعطيكم من الدنيا عبر = واللي عقد روس الحبال يحلها |
رد: قررررب يابندر
والبقا ياسيدي عز الله بندر من ربوع الغانمين ...... لكن انا نوي له ابفخ اشبكه ونهاية احزابي يابندر للنصر ..... واللي عقد روس الحبال يحلها حنا على الهادي محمد نستعين ...... واللي يشككني ترا بشككه اي والله اللي تو ماطاب السمر .... واللي عقد روس الحبال يحلها |
رد: قررررب يابندر
سقها يامشراف السعد والله يعين .. وفجك ليا رحتوا تراني بسلكه .. مشوارنا مشوارنا سكة سفر = واللي عقد روس الحبال يحلها
حفلتك مافيها ياكود مطبلين .. والله ماتحتاج عدة معركه .. لكن على سمرتك وطيت الجمر = واللي عقد روس الحباك يحلها |
رد: قررررب يابندر
ياهل الشفر واثرّكم المتعطلين .......... بدفدفه واصلحه وابشركه
وجاكم وانيت يحدكم ياهل الشفر ........ واللي عقد روس الحبال يحلها حفلتكم الليله ترا فيها ثنين ...... واحد يطبل لك والاخر فبركه واليا عبرت اغني فيك اسمر عبر ....... واللي عقد روس الحبال يحلها |
رد: قررررب يابندر
ودي تدرجها من يسار ويمين .. وانك تخارج من حدود المملكه .. لكن ماردونا خسر واحد صفر = واللي عقد روس الحبال يحلها
ياهل التجاره كيف صرتوا مفلسين .. تروح واتعود عليك امحكحكه ... لكن مالك قال رايه بالخمر = واللي عقد روس الحبال يحلها |
رد: قررررب يابندر
مشراف & بندر .. محاورة رائعة واصلوا متابعين لكم:)
|
رد: قررررب يابندر
من بين اساسي واحتياط اللاعبين ............ وان كان فزتوا فاللعب قلنا ابركه
عدا ماردونا وهدف لي عشر ............... واللي عقد روس الحبال يحلها ............................ ان كان زيّنا نزيّن كل شين .................. ماعاد لك معّنا يابندر تحبكه كانك تزيد الشبر بنزيد المتر ............. واللي عقد روس الحبال يحلها |
رد: قررررب يابندر
نورت في مرورك يابوحمد
ومتابعتك يهيض القريحه |
رد: قررررب يابندر
الله الله
:002: صح الله قولكم عزالله محاوره فيها معنا جميل بارك الله فيكم تقبلو تحياتي |
الوقت في المنتدى حسب توقيت جرينتش +3 الساعة الآن 06:27 PM . |
مجالس العجمان الرسمي