الصوت ( كل ما هجرت الحب ينزان ) الصدى (الحب قبله مبتليني)
أسعد الله أوقاتكم بكل خير أضع بين يديكم هذا الصوت والصدى بيني وبين الشاعر / أحمد فارس الرشيدي الصوت
قم ياعويضه يابن وقدان=جتك القصايد باليقيني جاتك على كفين وأعيان=جاتك من اللي محتويني ياالصاحب اللي ماله أثنان=في كوكب اللي عايشيني كل ماهجرت الحب ينزان=وكل ماقربته لي يشيني هذا ترى حالي من أزمان=عله تعل الجاش فيني والله لو هو غالي أثمان=لأشريه وأشري من يبيني مني سلام القوم عجمان=ربع(ن) على رأسي وعيني لسماع القصيده اضغط هنــــا الصدى
علم(ن) لفاني به كحيلان=نسل الرجال الغانميني حاز المراجل طيب وأحسان=أحمد عسى حظه يزيني أن طاب حظك منت شقيان=وأن خاب جعل الله يعيني جاء يشتكي من هجر خلان=والحب قبله مبتليني الحب له بيت(ن) وسيسان=والوصل له حبل(ن) متيني مره تعيشه وأنت نشوان=ومرات له جرح(ن) مكيني اللي جفاك اليوم خسران=خسران وأمن الضايعيني ختامها ياطير حوران=أهديت لك علم(ن) ثميني لسماع القصيدة اضغط هنــا |
رد: الصوت ( كل ما هجرت الحب ينزان ) الصدى (الحب قبله مبتليني)
عويضه صح السانك والسان
احمد الرشيدي على البيوت الطيبه ولاهنت يالغالي |
رد: الصوت ( كل ما هجرت الحب ينزان ) الصدى (الحب قبله مبتليني)
صح الله لسانك وعلا شانك
لاهنت |
رد: الصوت ( كل ما هجرت الحب ينزان ) الصدى (الحب قبله مبتليني)
عليل المحبه صح بدنك مرورك الرائع يشرفني تقبل تحيتي :21t: |
رد: الصوت ( كل ما هجرت الحب ينزان ) الصدى (الحب قبله مبتليني)
الله الله
صح لسانك ولسان الرشيدي يا بن وقدان أبدعتوا ولاهنتوا على ذا الرديّه الجميله تقبلوا مروري |
رد: الصوت ( كل ما هجرت الحب ينزان ) الصدى (الحب قبله مبتليني)
والله لو هو غالـي أثمـان
لأشريه وأشري من يبيني مني سلام القوم عجمان ربع(ن) على رأسي وعيني .,الآ يـآمال السلآمه ,. أن طاب حظك منت شقيان وأن خاب جعل الله يعينـي ,.اشهد انه صدق ., صح آلله لسـآنك أخوي عويضة ولسان الرشيدي على ذآ الردية الطيبه ., لأهنتو ., |
رد: الصوت ( كل ما هجرت الحب ينزان ) الصدى (الحب قبله مبتليني)
عويضه ابن وقدان
من الاسماء الامعه في منتديات الشعر صح الله لسانك وإلى الامام |
رد: الصوت ( كل ما هجرت الحب ينزان ) الصدى (الحب قبله مبتليني)
الله الله
لا هنتو على الابداع والمجهود الرائع قصيد جزل من شعار جزال وصح الله السنتهم وتقبلوو مروووري |
رد: الصوت ( كل ما هجرت الحب ينزان ) الصدى (الحب قبله مبتليني)
صــح لســآنك يابن وقدان ولســان احمد الرشيدي... ودايما تهبرنا باشياء رووعــه... لاهنــت ولاتحرمنا من إبــداعك :21t: |
رد: الصوت ( كل ما هجرت الحب ينزان ) الصدى (الحب قبله مبتليني)
عويضه بن وقدان
اسمك مرافق داسم للابداع لاهنت ولاهان الرشيدي صح السنتكم جميعا |
الوقت في المنتدى حسب توقيت جرينتش +3 الساعة الآن 01:47 AM . |
مجالس العجمان الرسمي