"""سرنا عليهم يوم جالنا الخبر::::::بسريتن عقالها جهالها""
بسم الله الرحمن الرحيم السلام عليكم ورحمة الله وبركاته هذي القصيد لجدي فهيد بن منصور ال هادي الله يرحمه وكانت مناسبتها حرب العيينة حيث انه كان حاظرها وكان عمره 17 سنه فقال هذي القصيدة
قال المشقا هاض مابه ماصبر=زين القوارع من ضميره قالها" يلعب ابيوت(ن) مثل نظم(ن) في صخر=دون ايتفلهم لابغى عدالها" من عقب ذا ياراكب(ن) حدب الظهر=تجفل ليا من شبهرة بضلالها" كبت ابدود الكور من راعي الزهر=ست اسنوات زايده بحيالها" تلفى ببني عمي مصاليت الخطر=حاس الضديد اليا نزل اقبالها" ترك صبين يوم سرنا ماحضر=ألا بعيد الدار من نزالها" سرنا عليهم يوم جالنا الخبر=بسريت(ن) عقالها جهالها" ليل(ن) على الحمره يشيب من حضر=شوف الوقايد تشتعل في جالها" يذكر لنا كنزان ليلن محتشر=وليل العيينة شكلها وامثالها" بواق عهد الله وامانه انعثر=همل طريح من نصيب اشعالها" و.......معاه ال.......دبر ماحضر=مثل الخريش اللي يزيد اجفالها" يقول ياربعي ذا ليلن محتشر=والرابح اللي ينتزح من جالها" كله لعينا اللي تنبه للخبر =واللي تشوفه لابته بفعالها" وكله لعينا لابس الثوب الحمر=الجودل اللي تنتخي برجالها" تمت وصل الله على سيد البشر=واعداد سقي الخد من همالها" والقصيدة اطول من هذه الابيات بس هذا اللي حصلت عليه وسلامكم |
رد: """سرنا عليهم يوم جالنا الخبر::::::بسريتن عقالها جهالها""
لاهنت اخوي ناصر المنصور على نقل القصيده الجزله وصح الله لسانك ولسان شاعرها الله يرحمه
ويعطيك الف عاااااافيه |
رد: """سرنا عليهم يوم جالنا الخبر::::::بسريتن عقالها جهالها""
اقتباس:
جعل شيبانك فالجنه مانع الوعيلي |
رد: """سرنا عليهم يوم جالنا الخبر::::::بسريتن عقالها جهالها""
ليل(ن) على الحمره يشيب من حضر =شوف الوقايد تشتعل في جالها
يذكر لنا كنزان ليلن محتشر =وليل العيينة شكلها وامثالها ياسلااااام صح الله لسانك والله يرحم شيبانك ويجمعنا فيهم في فسيح جناته وتسلم يمينااك ولاتبخل علانا أخيك |
رد: """سرنا عليهم يوم جالنا الخبر::::::بسريتن عقالها جهالها""
الله الله
الله يرحمه ويسكنه الجنه والله لايهينك يابومنصور والله انك جزل من زمان والحين ولاهنت على القصيده طال عمرك |
رد: """سرنا عليهم يوم جالنا الخبر::::::بسريتن عقالها جهالها""
اقتباس:
اللهم امين ويرحم شيبانك والمسلمين ولاهنت على مرورك وبيض الله وجهك شـكــ وبارك الله فيك ـــرا لك ... لك مني أجمل تحية . |
رد: """سرنا عليهم يوم جالنا الخبر::::::بسريتن عقالها جهالها""
اقتباس:
الله يجزاك خير ومن يقول لاهنت على مرورك واشكر لك دعمك لي شـكــ وبارك الله فيك ـــرا لك ... لك مني أجمل تحية . |
رد: """سرنا عليهم يوم جالنا الخبر::::::بسريتن عقالها جهالها""
لاهنت اخي ناصر المنصور على إيراد القصيدة الطيبه
صح الله لسانك والله يرحمه وسكنه الجنه |
رد: """سرنا عليهم يوم جالنا الخبر::::::بسريتن عقالها جهالها""
والله ونعم وكفووو قول وفعل الله يرحمهم
لاهنت ناصر المنصور \ اسكيت |
رد: """سرنا عليهم يوم جالنا الخبر::::::بسريتن عقالها جهالها""
اقتباس:
لاهنت اسكيت وبيض الله وجهك على المرور وماعليك زود طال عمرك شـكــ وبارك الله فيك ـــرا لك ... لك مني أجمل تحية . |
الوقت في المنتدى حسب توقيت جرينتش +3 الساعة الآن 05:53 PM . |
مجالس العجمان الرسمي