مجالس العجمان الرسمي - قيمة قصيدة للشاعر مساعد عايض الحملا الهاجري

قصيدة اعجبتني للشاعر / مساعد عايض بن حملا الهاجري
في الدكتور : بدر ماجد الفغم
دكتور في مجال القانون في كلية الحقوق

يقول :

صغير سن ومن حياتي تعلمت
انه قليل اللي يفك النشايب

وصغير سن ومن حياتي تعلمت
انه قليل اللي يرد الطلايب

وصغير سن ومن حياتي تعلمت
ما انكر جميل ولو غدا الراس شايب

و ( بدر الفغم ) يا ناس لوني تكلمت
عن طيب فعلك عام ماني بصايب

دكتور واذهلت الملا كيف صممت
طالب مميز من بدايات عايب

بدر ابن ضيدان بك لا تحزمت
اناطح الدنيا وادوس النوايب

يا عارفه هونور وجهك ليا اظلمت
انصاه لاصكت عليك المصايب

ونجم ٍ تقدا به اذا في الدجى همت
وضلعن تذرا به من اقسى الهبايب

شمس ٍ قدومك يا مطيري .. اذا اقدمت ..
ومحد فـ/ محلك حل لاصرت غايب

وكريم لامريت عـ/القوم واكرمت
ممشاك يشبه دوم ممشا السحايب

وشجاع في وجه المواقيف علمت
ماهبت وقتك منك والوقت هايب

بين الردا والجود حرب ٍ بها اعدمت
وجه الردا وقامت عليه النصايب

وانا اذا من جور وقتي تلعثمت
انصاك وارجع من غثى الوقت طايب

وختا ياسيد المرجله دمت
وحنا على من الزمن لك حبايب