أم الدناديش...
قصيدة صقر النصافي ينصح بها إبنه علي ويحثه على فعل الطيب
ياعلي خل العيد لأم الدناديش = اللي تنظف كل يوم جسدها تبغي إتماري ناقضات العكاريش = في كل ملفاح تنقض جعدها العيد عيد الله ولو فات حتيش = في حسبت أيام يمرك عددها نبي نعلمك المساري مع الجيش = تمشي ذلولك لين يفتر جهدها خابرك مانته ضاري للمطاريش = نبيك تونس حلوها من نكدها ليله على مسرا وليله مغابيش = وليله نخلي نومها لمن رقدها وليله على تمره وليله على عيش = وليله نوكلك الشحم صيد يدها يا علي لا جيت العرب لاتجي ديش = خبل الى جاب السوالف سردها احفظ السانك لا يجي فيه تبطيش = تصبح عيونك كايدات رمدها يجيك من ينشدك نشده وتفتيش = يبي يسنع هرجة يعتمدها خله يقوم امفلت في يده ريش = يروح منك وحاجته ما وجدها ترى دعابيل الخبول الفوانيش = تبدي بما فيها ولا حد نشدها يجيك واحدهم يورش اتوريش = سحابته يسبق مطرها رعدها واللي لغمقات السوالف مناقيش = قرابه الكلمه على أول عددها تجي سوالفهم بضحك وتبهيش = وقلوبهم ماحد يفكك عقدها منقووووووول.. |
صح لسانك ياهادي ولاهنت على النقل
|
لاهنت اخوي هادي عالنقل الرائع
|
يا علي لا جيت العرب لاتجي ديش
خبل الى جاب السوالـف سردهـا احفظ السانك لا يجي فيه تبطيش تصبح عيونـك كايـدات رمدهـا يجيك من ينشدك نشده وتفتيـش يبـي يسنـع هرجـة يعتمدهـا خله يقوم امفلت في يـده ريـش يروح منك وحاجته مـا وجدهـا بيوت حكم يعجز الكثير من الشعار الان ان يأتوااا ولو بنصفهااااااااا الله يرحم شاعرنا الكبير صقر النصافي ويسكنه الجنه .. لاهنت على النقل اخي الكريم وصح لسانك .. دمت بخير .. |
الله على القصيده صح الله لسانك ياهادي لسان صقر النصافي ولاهنت |
الله على القصيده المــــــــــره حلوه رجعتنا لورا شوي الله لا يهينك والله يبيح الشاعر ويرحمه
|
اقتباس:
ولسانك ، ولا هنت يالغالي وشرفتني بمرورك الكريم. أخوك / هادي. |
اقتباس:
ولا أنت يالغالية ،وشاكر لك مرورك ومشاركتك الكريمة. أخوك / هادي. |
اقتباس:
ولا انت يالغالي ، وصح بدنك وتسلم لي يالغالي وشرفتني بمرورك الكريم. أخوك / هادي. |
اقتباس:
تسلمين أخت يوران ، وشاكر لك مرورك الكريم. أخوك / هادي. |
الوقت في المنتدى حسب توقيت جرينتش +3 الساعة الآن 06:42 PM . |
مجالس العجمان الرسمي