عليك الصوت ما هو صوت كمـا ترنيـم قيثـاره
جميل الصدفة اللي جابتك حيـي الهـوا والنـور=عليك أجمل مسا مسيـت عطنـي منـه قنطـاره أحيي فيك ذكـرك قبـل شوفـك والنبـا مغمـور=وأحيي فيك عطـرك واسمـك الـي مالـي ٍ داره أنا من مات حـي ٍ لا طعـن حربـه ولا منحـور=صويب العين ما يبرا غـدا قلبـي لـك الشـاره بغيت أمشي واحس انه غدا مني القـدم مبتـور=بغيت آقف واشوف عظام كـل الجسـم منهـاره أنا من خانته عبرة فـرح ولا ضحـك مسـرور=يضيق ابه النفس وده يقول من الحكـي خيـاره أشيل غناي لك عرضه وأبدل به على المجـرور=وأمول مـن طواريقـي علـى عشـاق سمـاره ابكتب من قصيد الوزن وغيره من شعر منثـور=أنا لـك شاعـر يكتـب وشعـره نقـوة أفكـاره ألا يا غايب عني معـي حاضـر كمـا الدستـور=خيالـك مـا يفارقنـي بفكـري دق مسـمـاره إلا من ضقت أسولف بك على نفسي وأنا المقهور=وأقول الوقت ما يعطي على مـا ريـد وأختـاره عليك أقبل ومنك أقفي ولا بينـت لـك محظـور=أخاف عيون بعـض الخلـق تراقبنـا وسبـاره وجدك الله يا حسن كمـا التحفـه وأنـا جمهـور=أنا المبهور في حسنك وأنا من خطفـت أبصـاره ومنك العين تامرنـي وأنـا لـك طايـع مأمـور=على وصلك غدا حظي هوين وقصـرت أشيـاره أشوف أن الحسن عقبك ولو يذكر غـدا مكبـور=يقال أنه حسن وللا أنـت كـل الزيـن وأبهـاره الأ يا بو عيون حق وبعض الوصف خرس حـور=عليك الصوت ما هو صوت كمـا ترنيـم قيثـاره بقا قصرك على فالـك عسـاه بطلتـك معمـور=تمشي بردهتـه حافـي وتحيـا عقبـك أزهـاره بريح المسـك والعنبـر يخالطهـم زراق بخـور=إلى أقبلت جا قبلك والـى أقفيتـه غـدا إستـاره على هالبوح والتلميح راس المال صـدق شعـور=وصدقني ترى فكري عقب طيفك مـا حـد زاره أنا با سألك تعذرنـي عسـاي بطلبتـي معـذور=أشوف الوقت مـا يعطـي ولا فالنـاس عـذاره أبارسل لك مع النسمة سـلام الخافـق المكسـور=عسى يجبر عـزاه إنـك تجيـه وتنطفـي نـاره ذكرت اليوم والساعة ورحلة عمـر يـا مستـور=ذكرت الله في خلقـك خلـق هالزيـن وأسـراره أعرف أني مناب أول ولا آخـر واحـد ماسـور=وأجمـل مـا ملكتـه منـه طيـف دام تـذكـاره ألا يا ليت لي قلب يطيع الـراي وأهـل الشـور=ضحيـة موقـف عابـر ورحلـة سفـر طيـاره مقاعدنا بآخر صـف ومقعـد سيـدي مشغـور=على يسراي كان هناك أشـوف أطبـاع جبـاره أشوفه كل هالفتنه ثقل عقـل وسلـوك إطهـور=حصيـن محصـن شامـخ يبيـن كبـر مقـداره وأشوفه ديمة تحمـي نبـات الأرض بالممطـور=بغيـت يـوم أشاهدهـا جرفنـي فيـه تـيـاره ذهلني مبـرم العاتـق وشـلال الشعـر موفـور=وذاك المبسـم الـوردي بلـون الزهـر قطـاره وقد أطرق هايـف رشيـق وخاصـر مضمـور=قـوام اعتـدل طولـه يثيـر إقلـوب جـبـاره أغني وأغتني بذكره ولا أطمـع كـود بالميسـور=وعودي كم شكى منـي بعزفـي تبكـي أوتـاره أعرف النفس تواقه وأعرف أني منـا مسحـور=ولكن سحر زينه صـار يـا خلـق الله إشعـاره أنا والليـل والهاجـس قطعنـا بالخيـال بحـور=أبي منهـو يوصلنـي ومـن يعطينـي أخبـاره مخاوي الليل |
الاخ \ راكان اليامي قصيدة جميلة .. وصح لسان مخاوي الليل .. ولاهنت يابو سالم على الاختيار الموفق تحياتي لك ولا تحرمنا ابداعك اخوك \ فهد بن محسن |
تسلم يابو سالم على القصيدة الجزله |
هلا وغلا بالجميع وتسلمون على الرد
|
الاخ العزيز راكان اليامي، الله يعطيك العافيه على حسن الاختيار، والله لايهينك. قصيده رائعه بالفعل أخي راكان. تحياتي وتقديري، أخوك |
اررررررحب يابخيتان والله يعافيك يالسنافي
|
لا هنت يا ابو سالــــــــــــــــــــم تحيه لك |
وولا انت يابو حزام
|
لا هنت يا ابو سالم القصيدة الرائعة والمعبرة صح لسانك يا السنافي على النقل الرائع
|
صح بدنك يابوحمد
|
الوقت في المنتدى حسب توقيت جرينتش +3 الساعة الآن 05:38 AM . |
مجالس العجمان الرسمي