|
ياقافله سيري ترى ماللكلاب الا النباح+خـــلـّـي الهوا لـــلــّي عشقته وانكشف لي معدنه
احبائي اهديكم احدى قصائدي وقد تم نشرها في جريدة الوطن قبل شهرين وذلك حفظا للحقوق الأدبيه :
أدري خلاص إن الأمل ذاهب مع ادراج الرياح حتى اللقا فرصه ضئيله ماعتقدها ممكنه ومادام كلن في طريقه راح باطلبك السماح والشوق ماله غير حل إن زاد فيني باسجنه ياقافله سيري ترى ماللكلاب إلا النباح خلي الهوا للي عشقته وانكشف لي معدنه هو يحسب ان هذا التمدّن؟ او يحسّبه الانفتاح؟ او يحسب ان العشق موضه مع تغيّر الازمنه ؟ ياصاحبي جاك الخبر إنسى ترى ماراح راح العمر لحظه حالمه غلطان منهو يضمنه خل التفاؤل نصب عينك كل مايشرق صباح ولاتدوّر لي عذر حتى ولو جبت اسمنه ترى الفشل يصبح سبب ساعات لحدود النجاح لا للخنوع وللتردد والفشل والمسكنه والوقت هذا صار عادي كل ممنوعن مباح وابشّرك ماعاد لي قلبن فراقك يشحنه لاترسم البسمه على قلبن يدوّر الانشراح قلبن ليا من ضاق ضاقت فيه كل الأمكنه دوّر وتلقى فيني إطعونن من إسيوف ورماح ودم من الشريان ينزف مالقى من يحقنه طيري غدا ماعاد عيّنته وانا ادعي يافلاااااااح لاواحسافه طيري اللّي راح منهو عينه ؟ ساعات تسمع لك إبشخص وتحس صوبه برتياح ولاصارت الصدفه وشفته ودّك إنّك تحضنه لاواهني اللي فواده من عنا الهم إستراح همّن من إسنينن طويله وسط روحي يقطنه عمر الفتى في أوله فيه البساله والجماح وعمر الرجل في آخره ماكل زولن يفتنه عجزت اعدّل واعتدل والحظ ليمن طاح طاح عالجت عيني بالجفا من عقب ماهي مدمنه ذقت الهماج وطول عمري ماعرفت الا القراح وش عادني باجيب والا وش بقالي بارهنه ؟ هذي نهاية عشق ترفات القدم ( يابوفلاح) مثل القرار اليا تعلّق ناقصه من يعلنه وسلاااااااامتكم |
صح اللسانك ياحمد ولاهنت
تحيااااااتي |
طيري غدا ماعاد عيّنته وانا ادعي يافلاااااااح=لاواحسافه طيري اللّي راح منهو عينه ؟
صح السانك وبيض اللة وجهك |
صح السانك ياحمد ولاهنت
قصيدة جزله من راس جزل سجل اعجابي ومتابعني تحياتي |
طيري غدا ماعاد عيّنته وانا ادعي يافلاااااااح
لاواحسافه طيري اللّي راح منهو عينه ؟ ساعات تسمع لك إبشخص وتحس صوبه برتياح ولاصارت الصدفه وشفته ودّك إنّك تحضنه لاواهني اللي فواده من عنا الهم إستراح همّن من إسنينن طويله وسط روحي يقطنه عمر الفتى في أوله فيه البساله والجماح وعمر الرجل في آخره ماكل زولن يفتنه عجزت اعدّل واعتدل والحظ ليمن طاح طاح عالجت عيني بالجفا من عقب ماهي مدمنه ذقت الهماج وطول عمري ماعرفت الا القراح وش عادني باجيب والا وش بقالي بارهنه ؟ هذي نهاية عشق ترفات القدم ( يابوفلاح) مثل القرار اليا تعلّق ناقصه من يعلنه الله الله عليك وصح الله لســـــــــــــــــــــــــــــــانك الف الف الف مليون يا المســـــــــــرع ..وانتبه تسرع علينا بسيارتك لما انك تقصد بذا القصيد الزين ههههههههههههاي وتدعمنا !!!! بارك الله فيك واشهد انك ما قصرت وقصيده ما عليها كلام يا حمد!!!! |
الاخ الشاعر
حمد بن سعد صح لسانك ولاهنت يالغالي على ذا القصيده الجزله تحياتي لك |
اقتباس:
|
اقتباس:
وصح الله إبدنك ياغشام |
اقتباس:
لاهنت يالشيخ |
اقتباس:
بارك الله فيك انت وجزاك الله خير على كلامك الطيب وخفة دمك وحفظك الله من كل شر ومكروووووووووووووووووه |
| الوقت في المنتدى حسب توقيت جرينتش +3 الساعة الآن 08:16 PM . |
مجالس العجمان الرسمي